Gujarat News: દેશના ટોચના ઉદ્યોગપતિ અને રિલાયન્સ ઈન્ડસ્ટ્રીઝના ચેરમેન મુકેશ અંબાણીના પત્ની નીતા અંબાણી અચાનક જામનગર જિલ્લાના લાલપુર ગામની મુલાકાતે પહોંચ્યા હતા. સોમવારે સાંજે નીતા અંબાણી એકાએક જામનગરના લાલપુર ગામે પહોંચ્યા હતા.
અહીં, નીતા અંબાણીએ બાંધણી કેન્દ્રની મુલાકાત લીધી હતી. નીતા અંબાણીએ કેન્દ્રની બહેનો સાથે ‘કેમ છો બધા?’ કહીને સંવાદની શરૂઆત કરી હતી. અહીં કામ કરતી સખી મંડળની બહેનો સાથે વાતચીત કરી તમામના ખબર અંતર પૂછ્યા હતા.
સાથે વિશ્વ વિખ્યાત બાંધણી કઈ રીતે બને તેની માહિતી પણ મહિલા કારીગરો પાસેથી મેળવી હતી. જણાવી દઈએ કે લાલપુર પંથકમાં રિલાયન્સ રિફાઇનરી આવેલી છે.નીતા અંબાણીએ (બાંધણીકામ કરતી મહિલા કારીગરો સાથે મુલાકાત કરી બાંધણી કઈ રીતે બનાવવામાં આવે છે તે અંગેની માહિતી મેળવી હતી.
આત્મનિર્ભર બની પરિવારના ગુજરાનમાં મદદ કરતી આ મહિલાઓ સાથે નીતા અંબાણી વાત કરી તેમને પ્રોત્સાહન આપ્યું હતું અને તેમના કામને બિરદાવ્યું હતું.