ગુજરાતમાં ગુનાખોરીના ગ્રાફ ધીરે ને ધીરે ઊંચો જઈ રહ્યો છે. રાજ્યમાં બળાત્કારના ગુનામાં પણ વધારો થવા લાગ્યો છે. ત્યારે આવો જ એક હચમચાવી નાખતો બળાત્કારનો કિસ્સો સામે આવ્યો છે. મહિસાગરના ત્રાકડી ગામમાં એક ૬૫ વર્ષીય વૃદ્ધાને અજાણ્યા શખ્સોએ પોતાની હવસનો શિકાર બનાવ્યા હતા. દુષ્કર્મની ઘટના બાદ વૃદ્ધાને સારવાર માટે હોસ્પિટલ ખસેડવામાં આવ્યા હતા. તો વૃદ્ધા પર બળાત્કારની આ ઘટનાની વાત આખા વિસ્તારમાં વાયુ વેગે પ્રસરી ગઈ હતી. જે બાદ સમગ્ર વિસ્તારમાં ભયનો માહોલ પણ જાેવા મળ્યો હતો. ઘટનાની જાણ પોલીસને થતા પોલીસે ઘટના સ્થળે જઈને તપાસ હાથ ધરી છે.
પોલીસે સ્થાનિક લોકોની પૂછપરછ પણ હાથ ધરી છે. આ સિવાય આ કેસમાં હ્લજીન્ અને ડૉગ સ્ક્વોડની પણ મદદ લેવામાં આવી છે. પ્રાપ્ત રિપોર્ટ મુજબ, મહિસાગરમાં આવેલા ત્રાકડી ગામની આ ઘટના છે. કેટલાંક અજાણ્યા શખ્સોએ ૬૫ વર્ષીય વૃદ્ધા સાથે બળાત્કાર કર્યો હતો. ત્રાકડી ગામની સીમમાં આ બનાવ બન્યો હતો. એ પછી લોકોને જાણ થતા આખા વિસ્તારમાં આ ઘટના ચર્ચાનો વિષય બન્યો હતો. સ્થાનિકોએ વૃદ્ધાને સારવાર માટે હોસ્પિટલ ખસેડ્યા હતા. તો ઘટનાની જાણ બાકોર પોલીસને થતા પોલીસે તપાસ હાથ ધરી હતી. બાકોર પોલીસે અજાણ્યા શખ્સો વિરૂદ્ધ ગુનો નોંધ્યો છે.
સ્થાનિકોનું કહેવું છે કે, વૃદ્ધા ઢોર ચરાવવા માટે ગયા હતા અને એ દરમિયાન આ ઘટના બની હતી. આ સિવાય આ કેસમાં હ્લજીન્-ડૉગ સ્ક્વોડની પણ મદદ લેવામાં આવી છે. આ ટીમ દ્વારા ઘટના સ્થળેથી પુરાવા એકત્ર કરવા માટેની કાર્યવાહી હાથ ધરવામાં આવી હતી. સાથે જ આરોપીઓે ઝડપી પાડવા માટે પોલીસે અલગ અલગ ટીમો બનાવી તપાસ હાથ ધરી છે. જેને લઈને પોલીસ સ્થાનિકોના નિવેદન પણ લઈ રહી છે. મહત્વનું છે કે, અજાણ્યા લોકોએ વૃદ્ધાને કેમ શિકાર બનાવ્યા એ હજુ સુધી જાણવા મળ્યુ નથી. પણ પોલીસે આરોપીઓને ઝડપવા માટે ચક્રો ગતિમાન કર્યા છે. એટલે આરોપીઓ ઝડપાઈ જાય એ પછી તેમની પૂછપરછમાં આખા કાંડનું સત્ય બહાર આવી શકે છે.