અમદાવાદમાં કચ્છી જૈન સેવા સમાજનો સ્નેહમિલન સમારોહ યોજાશે, ગુજરાતના મુખ્યમંત્રી સહિતના મહાનુભાવો ઉપસ્થિત રહેશે

Lok Patrika
By Lok Patrika
Share this Article

કચ્છી જૈન સેવા સમાજ, અમદાવાદ દ્વારા ૧૮મી સપ્ટેમ્બર, રવિવારના રોજ સ્નેહમિલન સમારોહનું આયોજન કરવામાં આવ્યું છે. કોરોનાકાળના બે વર્ષના અખંતરાલ બાદ આ કાર્યક્રમનું આયોજન કરવામાં આવ્યું છે.
અમદાવાદમાં પાંચ દાયકા કરતા વધુ સમયથી આરોગ્ય, શિક્ષણ, સમાજ સેવા ક્ષેત્રમાં કાર્યરત રહેલા કચ્છી જૈન સેવા સમાજની સામાજિક સેવાનો લાભ અમદાવાદમાં રહેતા તમામ સમાજના લોકો મેળવી રહ્યા છે. આ સંસ્થા દ્વારા પર્યુષણ બાદ દર વર્ષે સ્નેહમિલન સમારોહનું આયોજન કરાતું હોય છે. કોરોનાકાળ બાદ હવે બે વર્ષ પછી ૧૮મી સપ્ટેમ્બરે સવારે ૯ઃ૩૦ વાગ્યે પાલડીના ટાગોર હોલ ખાતે આવો સમારોહ યોજાશે, જેમાં મુખ્ય અતિથિ વિશેષ તરીકે મુખ્યમંત્રી ભૂપેન્દ્રભાઈ પટેલ રહેવાના છે. તો અતિથિ વિશેષ તરીકે વિધાનસભાના અધ્યક્ષ ડો.નીમાબેન આચાર્ય, ગૃહમંત્રી હર્ષ સંઘવી, સાંસદ વિનોદભાઈ ચાવડા તથા ધારાસભ્યો ઉપરાંત શ્રેષ્ઠીઓ ચંદ્રકાંતભાઈ ગોગરી, બિપિનભાઈ જૈન, મહેન્દ્ર કું.શાહ, ડો.બીના શાહ, રાજુભાઈ ગાલા, સંદિપભાઈ ગાલા, પારસભાઈ સાવલા અને રૂપેશભાઈ સાવલા ઉપસ્થિત રહેશે. આ સમારોહ દરમિયાન સરસ્વતી સન્માન, સાંસ્કૃતિક કાર્યક્રમનું આયોજન કરવામાં આવ્યું છે. કચ્છી જૈન સેવા સમાજ અમદાવાદના મેનેજિંગ ટ્રસ્ટી કમ પ્રમુખ પ્રતાપભાઈ દંડ અને માનદ્‌ મંત્રી રજનીભાઈ પારેખ સહિતના સભ્યોએ આયોજન સંભાળ્યું છે.


Share this Article
Posted by Lok Patrika
Follow:
Lok Patrika is the fastest-growing Daily Gujarati news Paper and Gujarati News in Gujarat since 2010. Flagship Brand Lok Patrika, which bring its dedicated readers the most reliable, authentic and unbiased news among every Gujarati news site. It provides more diverse multimedia content than other linguistic sites. Its dedicated online editorial team delivers exclusive and comprehensive content every day. Besides this, numerous numbers of news from the broad network of Lok Patrika Newspapers are available to the Gujarati speaking people who live globally. Our site is updated 24 hours a day so that every core event can reach our readers instantly