Gujarat News: રાજ્યના પૂર્વ નાયબ મુખ્યમંત્રી નીતિન પટેલે આજે એક પોસ્ટ શેર કરી છે અને આ પોસ્ટમાં કહ્યું કે, મહેસાણા લોકસભા સીટના ભાજપના ઉમેદવાર તરીકે કેટલાક કારણોસર મી ઉમેદવારી નોંધાવી હતી. ગઇકાલે રાજ્યની 15 લોકસભા સીટના ઉમેદવારો જાહેર કરવામાં આવેલ છે અને મહેસાણા લોકસભાના ઉમેદવારની પસંદગીની પ્રક્રિયા હજી ચાલુ છે.
તે પહેલા ભાજપના ઉમેદવાર તરીકેની મારી દાવેદારી પરત ખેંચું છું અને નરેન્દ્ર મોદી સતત ત્રીજી વખત વડાપ્રધાન બની સમગ્ર દુનિયામાં ભારતની પ્રતિષ્ઠા વધુ વધારે અને ભારતમાતા પરમ વૈભવ પ્રાપ્ત કરે તેવી ભગવાનને પ્રાર્થના કરું છું. સર્વે કાર્યકરો, સર્વે શુભેચ્છકો અને સર્વ સાથીદારોનો હું ખૂબ ખૂબ આભાર માંનું છું.
લોકસભા ચૂંટણી પહેલા મહેસાણાથી આવેલા આ મોટા સમાચાર ઘણી રીતે જોવામાં આવી રહ્યા છે. રાજ્યના પૂર્વ નાયબ મુખ્યમંત્રી અને મહેસાણાના પૂર્વ ધારાસભ્ય નીતિન પટેલે આ રીતે સામેથી પોસ્ટ કરી એટલે લોકો ઘણા તર્ક વિતર્કથી ચાલી રહ્યા છે.
જો કોઈ એવું વિચારે કે ભારત તેના વિના જીતી શકતું નથી તો… ગાવસ્કરે કોહલીને મરચા લાગે એવી વાત કરી
આ મોટી જાહેરાત બાદ નીતિન પટેલે કારણો પણ નથી જણાવ્યાં. ઉલ્લેખનીય છે કે ગઇકાલે ભાજપે 15 લોકસભા સીટના ઉમેદવારો જાહેર કર્યા હતા જેમાં ઘણા નામો રિપિટ છે તો ઘણા નવા ચહેરાને પણ તક આપી છે.