Mukesh Ambani Anand Mahindra Uber: ભારતના પ્રખ્યાત અબજોપતિ બિઝનેસમેન આનંદ મહિન્દ્રા સોશિયલ મીડિયા પર ખૂબ જ એક્ટિવ રહે છે. દરરોજ તે સોશિયલ મીડિયા પર કોઈને કોઈ ફોટો કે વીડિયો શેર કરે છે. આનંદ મહિન્દ્રાએ હાલમાં જ એક ફોટો પોસ્ટ કરીને એક ફની ટુચકા શેર કર્યો છે. આ તસવીરમાં રિલાયન્સ ઇન્ડસ્ટ્રીઝના માલિક અને દિગ્ગજ બિઝનેસમેન મુકેશ અંબાણી પણ જોવા મળી રહ્યા છે. પરંતુ અઢળક સંપત્તિ હોવા છતાં મુકેશ અંબાણી અને આનંદ મહિન્દ્રાને અમેરિકામાં કેબ બુક કરાવવી પડી હતી.
વાસ્તવમાં આનંદ મહિન્દ્રા અને મુકેશ અંબાણીની શટલ કાર મિસ થઈ ગઈ હતી. આ કારણે અમેરિકા પરત ફરતી વખતે તેને ઉબેર બુક કરાવવું પડ્યું હતું. પરંતુ ભારતીય-અમેરિકન નાગરિક અને અવકાશયાત્રી સુનિતા વિલિયમ્સે તેમને લિફ્ટ આપીને મંજિલ સુધી પહોંચાડ્યા હતા.
મહિન્દ્રાએ ટ્વિટમાં શું કહ્યું
આનંદ મહિન્દ્રાએ ટ્વિટમાં આખી વાત શેર કરી છે. “મને લાગે છે કે આને વૉશિંગ્ટન મોમેન્ટ કહેવામાં આવે છે. ટેક હેન્ડશેક મિટિંગ પછી મુકેશ અંબાણી, વૃંદા કપૂર અને હું સેક્રેટરી ઓફ કોમર્સ સાથે વાતચીત કરી રહ્યા હતા અને હવે પછીના લંચ માટે અમે શટલ બસ ચૂકી ગયા હતા. જ્યારે અમે નાસાની અવકાશયાત્રી સુનિતા વિલિયમ્સને જોઈ ત્યારે અમે ઉબેર બુક કરવાનો પ્રયાસ કરી રહ્યા હતા.
I suppose this was what they would call a ‘Washington moment.’ After the tech handshake meeting yesterday, Mukesh Ambani, Vrinda Kapoor & I were continuing a conversation with the Secretary of Commerce & missed the group shuttle bus to the next lunch engagement. We were trying… pic.twitter.com/gP1pZl9VcI
— anand mahindra (@anandmahindra) June 25, 2023
મહિન્દ્રા ગ્રુપના ચેરમેન આનંદ મહિન્દ્રા અને રિલાયન્સના ચેરમેન મુકેશ અંબાણી અમેરિકાના સ્ટેટ ડિનરમાં ભાગ લેવા વોશિંગ્ટન ગયા હતા. અમેરિકાના રાષ્ટ્રપતિ જો બિડેને પીએમ નરેન્દ્ર મોદીના સન્માનમાં ડિનરનું આયોજન કર્યું હતું. આ સ્ટેટ ડિનરમાં ભારતની ઘણી જાણીતી હસ્તીઓએ હાજરી આપી હતી. જેમાં ગૂગલના સીઈઓ સુંદર પિચાઈ, સત્યા નડેલા, ઈન્દિરા નૂઈ અને મુકેશ અંબાણી અને નીતા અંબાણી સામેલ હતા.
આ પણ વાંચોઃ
અમેરિકાની મુલાકાત પર ઈન્ડસ્ટ્રીએ શું કહ્યું
ઉદ્યોગને આશા છે કે વડાપ્રધાન મોદીની અમેરિકાની મુલાકાતથી દ્વિપક્ષીય સંબંધોને વેગ મળશે અને સંરક્ષણ, સેમીકન્ડક્ટર, સ્પેસ અને એઆઇ જેવા ક્ષેત્રોમાં વ્યૂહાત્મક સહકાર વધશે. કોન્ફેડરેશન ઓફ ઇન્ડિયન ઇન્ડસ્ટ્રી (સીઆઇઆઇ)ના જણાવ્યા અનુસાર, સીઆઇઆઇ ભાગીદારીમાં એક નવું પ્રકરણ ઉમેરવામાં આવ્યું છે, જેમાં સંરક્ષણ, સેમીકન્ડક્ટર અને અવકાશ સહિત વ્યૂહાત્મક ટેકનોલોજી સહકાર અને એઆઇ, ક્વોન્ટમ, બાયો-ટેકનોલોજી અને ટેલિકમ્યુનિકેશન્સ જેવા ઉભરતા ટેકનોલોજી ક્ષેત્રોમાં મજબૂત સહકાર જોવા મળશે.