ગરમીને લઈને હવામાન વિભાગે નવી આગાહી કરી છે. હવામાન વિભાગના જણાવ્યા મુજબ ગુજરાતમાં હજુ 3 દિવસ ગરમી આવી જ યથાવત્ રહેશે. પવનોની દિશા બદલાતા 3 દિવસ ગરમીનું પ્રમાણ છે એટલું જ રહેશે. 3 દિવસ બાદ તાપમાનમાં ઘટાડો થવાની શક્યતા છે. વાતાવરણ થોડું હળવું થશે. હવામાન વિભાગના જણાવ્યા અનુસાર, અમદાવાદીઓએ હજુ પાંચ દિવસ 42 ડિગ્રી આસપાસ ગરમી સહન કરવી પડશે. આ સાથે શહેરમાં 2 દિવસ યલો એલર્ટ પણ જારી કરાયું છે. જોકે, બે દિવસ પછી યલો એલર્ટ દૂર થવાની શક્યતાઓ વ્યક્ત કરાઈ છે.
હાલમાં વાતાવરણ એવું છે કે સમગ્ર ગુજરાતમાં ગરમી પડી રહી છે, સતત ગરમીનું પ્રમાણ વધવાને કારણે લોકોના જનજીવન પર અસર પડી રહી છે. લોકો બિમાર પણ પડી રહ્યા છે અને કામ સિવાય ઘરની બહાર ન નીકળવાની સલાહ પણ અપાઈ રહી છે. ગરમીથી લોકો તોબા પોકારી ગયા છે. અંગ દઝાડતી ગરમીથી હવે ક્યારે રાહત મળે એની જ લોકો રાહ જોઈ રહ્યા છે.
Joint Family: આ પરિવાર એટલો મોટો કે તાલુકો બની જાય, 184 લોકો, 25 કિલો શાકભાજી, 25 કિલો લોટની રોટલી…
આવા ધગધગતા તાપમાં લોકો બહાર જવાનું ટાળી રહ્યા છે. હવે તો 42 ડિગ્રી ગરમી જાણે કે સામાન્ય બની ગઈ છે. ગઈકાલે રવિવારના રજાના દિવસે પણ લોકોએ મોડી સાંજ બાદ ઘરની બહાર નીકળવાનું પસંદ કર્યું હતું. એક તો ભારે ગરમી ઉપરાંત ભેજ અને તેના કારણે થતાં ઉકળાટથી લોકો પરેશાન થઈ ઊઠ્યા છે. જો કે હવે જલદી જ આ ગરમીના તાપથી છૂટકારો મળે એની જ લોકો રાહ જોઈ રહ્યા છે.