Gujarat Weather: આગામી સમયમાં ગુજરાતના કયા ભાગોમાં વરસાદ પડશે અને કેવો પડશે એ અંગે હાલમાં જ પરેશ ગોસ્માવીએ નવી આગાહી કરી છે. તેમણે કહ્યું કે હજું પણ ત્રણ ઇંચ જેટલો વરસાદ ખાબકી શકે છે અને આજે રાત્રે ભારે વરસાદની શક્યતા છે. આ વરસાદ સાથે ગાજવીજ અને પવનની ગતિ પણ વધુ રહેવાની છે.
હાલમાં ઘરની બહાર નીકળીએ તો જાણવા મળે કે ગુજરાતમાં અષાઢી માહોલ જોવા મળી રહ્યો છે. છેલ્લા 4-5 વર્ષનું સૌથી તીવ્ર માવઠું હાલમાં પડી રહ્યું છે. આ માવઠું 24 કલાક સુધી ચાલુ રહે તેવી શક્યતાઓ છે. બપોર પછી મધ્ય ગુજરાતમાં વધુ વરસાદની શરૂઆત થશે. સાથે જ વિઝિબિલિટી હજુ પણ ઘટવાની શક્યતાઓ છે.
પરેશ ગોસ્વામીની આગાહી પ્રમાણે અમદાવાદ, આણંદ, નડિયાદ, ખેડા, વડોદરા, ડભોઇ, કરજણ, જંબુસર આ વિસ્તારોમાં આવનારા 24 કલાકમાં બેથી ત્રણ ઇંચ વરસાદ નોંધાય તેવી શક્યતાઓ છે. એ જ રીતે આગાહીમાં કહેવામાં આવ્યું છે કે ઉત્તર ગુજરાતમાં સાબરકાંઠા, બનાસકાંઠા, પાટણ, મહેસાણા, અરવલ્લી આ પાંચ જિલ્લા એવા છે કે જ્યાં આવનારા 24થી 36 કલાક દરમિયાન ગાઢ વાદળો જોવા મળશે.
આગાહીકારની આગાહી પ્રમાણે તારણ કાઢી શકાય કે વરસાદ થંડર સ્ટ્રોમ એક્ટિવિટીના ભાગરૂપે જોવા મળશે. જ્યારે પવનની ગતિ 40થી 45 કિલોમીટર પ્રતિ કલાક હોવાનું પણ જણાવાય રહ્યું છે. રાજપીપળા, છોટાઉદેપુર, દાહોદ, ગોધરા, મહીસાગર જેવા વિસ્તારોમાં રાત્રે અતિભારે વરસાદનો સામનો કરવા માટે લોકોને તૈયાર રહેવાનું કહેવામાં આવી રહ્યું છે.