Heavy Rain in Gujarat: હવામાન વિભાગ દ્વારા રાજ્યમાં હજુ ત્રણ દિવસ વરસાદ રહેવાની આગાહી કરવામાં આવી છે, જેમાં કેટલાક ભાગોમાં ભારેથી અતિભારે વરસાદ થવાની પણ શક્યતા વ્યક્ત કરી છે. આગામી સાત દિવસ સુધી રાજ્યના મોટાભાગના ભાગોમાં મેઘરાજાની હાજરી રહી શકે છે. ખાસ કરીને અઠવાડિયાના અંત સુધીમાં ભારે વરસાદની સંભાવના છે.
છેલ્લા કેટલાક દિવસોથી દ્વારકા જિલ્લામાં બારે મેઘ ખાંગા થયા હોય એવી સ્થિતિ સર્જાઈ છે, અને આગામી દિવસોમાં પણ તોફાની વરસાદની આગાહી વ્યકત કરવામાં આવી છે. આગામી ત્રણ દિવસ ગુજરાતમાં વધુ વરસાદ રહેશે, આ પછી વરસાદના જોરમાં ઘટાડો થશે.
22 અને 23 જુલાઇ દરમિયાન રાજ્યના મોટાભાગના વિસ્તારોમાં વરસાદની આગાહી છે. સૌરાષ્ટ્ર ઉપરાંત દક્ષિણ ગુજરાતના વલસાડ, નવસારીમાં અતિભારે વરસાદ આવી શકે છે. ઉત્તર ગુજરાતના સાબરકાંઠા, બનાસકાંઠા, દાહોદની એકાદ જગ્યાઓ પર પણ વરસાદનું જોર રહેશે.
હદ થઈ ગઈ પણ!! ક્લાસ રૂમથી લઈને બાથરૂમ સુધી કોન્ડોમના પેકેટ, પંચાયત ચૂંટણી પછી કેવી છે શાળાની હાલત?
આ તો નસીબ સારા કે આવું થઈ ગયું, બાકી તથ્ય પટેલના કારણે 9 કરતાં પણ વધારે જિંદગીઓ અસ્ત થઈ ગઈ હોત
હવામાન વિભાગની આગાહી મુજબ, મેઘરાજા હજુ 3 દિવસ ગુજરાતને ધમરોળશે. જેમાં દ્વારકા, જૂનાગઢ, ગીર-સોમનાથ, જામનગર, રાજકોટ, પોરબંદર, ભાવનગર, દક્ષિણ ગુજરાતમાં ભારે વરસાદ પડવાનું અનુમાન છે. આજે દ્વારકા ખંભાળિયામાં મેઘરાજાએ ધૂમ મચાવી હતી. ખંભાળિયામાં સતત વરસાદથી મહાપ્રભુજીની બેઠક પાસે નદીમાં પુર જેવી સ્થિતિનું નિર્માણ થયું હતું. વહેલી સવારથી જ સમગ્ર દ્વારકામાં વરસાદી માહોલ છવાયો હતો, બપોર બાદ પણ મેઘરાજાએ દ્વારકા જિલ્લાને ધમરોળી નાખ્યો હતો, ભારે વરસાદના કારણે નદીઓનો ધસમસતો પ્રભાવ જોવા મળ્યો હતો.