બિપરજોય વાવાઝોડું જતું રહ્યું હોવા છતાં કચ્છમાં વરસાદનો દોર યથાવત છે. ત્યારે માંડવીમાં 8.5 ઈંચ, અંજારમાં આખા દિવસનો 8 ઈંચ વરસાદ, ભચાઉમાં આખા દિવસનો કુલ 8 ઈંચ વરસાદ તેમજ ભુજમાં મેઘ સવારી ચાલુ રહેતા રાત સુધીમાં કુલ 7 ઈંચ વરસાદ ખાબક્યો છે. હવે અંબાલાલ પટેલે નવી આગાહી કરી છે અને 48 કલાક માટે ઘાતક ગણાવી છે.
અંબાલાલે વાત કરી કે આગામી 48 કલાક સુધી ગુજરાતનાં ભાગોમાં વરસાદ થશે. તેમજ સૌરાષ્ટ્ર, ઉત્તર ગુજરાતમાં ભારે વરસાદની વકી છે. જ્યારે મધ્યપ્રદેશ, રાજસ્થાનનાં ભાગોમાં પણ અતિભારે વરસાદ થવાની શક્યતા છે.
ગુજરાતને જોડતી નદીઓમાં પણ પુર આવે એવી પુરેપુરી આગાહી કરવામાં આવી છે. ત્યારે પૂર્વ તરફ વાવાઝોડું આગળ વથતા બંગાળનાં ભેજને આકર્ષવાનું છે.
આ પણ વાંચો
ગુજરાત બાદ હવે રાજસ્થાનનો વારો, આજે મુશળધાર વરસાદ પડશે, બિપરજોયની નવીનતમ સ્થિતિ જાણી લોકો ફફડ્યાં
અંબાલાલ પેટેલે આગળના દિવસો વિશે પણ આગાહી કરી છે. 20 થી 24 સુધીમાં દેશનાં મધ્યભાગોમાં વરસાદી સિસ્ટમ સક્રિય થશે. 25 થી 27 તારીખ સુધી ગુજરાતનાં ભાગો સુધી વરસાદ આવે તેવી શક્યતા છે. તેમજ બંગાળનાં ઉપસાગરમાં 21, 28 જૂન અને પહેલી જુલાઈએ હવાનું દબાણ થશે. ત્યારે ગુજરાતીઓને ખાસ 2 દિવસ એટલે કે 48 કલાક સાવધાન રહેવાની વાત કરવામાં આવી છે.