IND vs PAK, World cup 2023 : વર્લ્ડ કપ-2023માં (World Cup-2023) ભારત અને પાકિસ્તાન બંને એક જ રસ્તે છે. વર્લ્ડ કપમાં બંને ટીમોએ પોતાની પહેલી બે મેચ જીતી છે. એક વાત નક્કી છે કે, બંનેમાંથી કોઈ એક ટીમની જીતનો સિલસિલો શનિવારે તૂટશે. આમ જોવા જઈએ તો પાકિસ્તાનના હાથમાં નિરાશાની શક્યતા વધારે છે. કારણ કે રોહિત શર્મા અમદાવાદમાં એકલા હાથે કેપ્ટન્સી નહીં કરે, પણ તેની સાથે અન્ય એક ખેલાડી કેપ્ટન્સી કરતો જોવા મળશે અને તે પાકિસ્તાન સામે જીતવાની વ્યુહરચના ઘડશે.
હવે તમે પણ વિચારતા હશો કે રોહિતની આગેવાનીમાં કયો ખેલાડી કેપ્ટનશીપ કરશે. તો આ ખેલાડીઓ બીજું કોઈ નહીં પરંતુ હાર્દિક પંડ્યા છે. હાર્દિક પંડ્યા ટીમ ઇન્ડિયાનો વાઇસ કેપ્ટન છે. આનો સીધો અર્થ એ છે કે તે જીતની વ્યૂહરચનામાં રોહિતને ટેકો આપશે. રોહિત મેદાન પર સત્તાવાર કેપ્ટન રહેશે, પરંતુ હાર્દિકને આ મેદાન પર રમવાના અનુભવનો ફાયદો ટીમ ઈન્ડિયાને મળશે.
હાર્દિકને અમદાવાદમાં રમવાનો અનુભવ છે
ભારત-પાકિસ્તાનની મેચ અમદાવાદના નરેન્દ્ર મોદી સ્ટેડિયમમાં રમાશે. પંડ્યા આ મેચો પોતાના ઘરે જ રમશે. તેઓ આઇપીએલમાં ગુજરાત ટાઇટન્સની કેપ્ટનશિપ કરે છે, જેનું હોમગ્રાઉન્ડ નરેન્દ્ર મોદી સ્ટેડિયમ છે. પંડયા પોતે 2022માં તેની કેપ્ટન્સી હેઠળની પ્રથમ સિઝનમાં ગુજરાતને આઇપીએલનો ચેમ્પિયન બનાવી ચૂક્યો છે. અહીંની શરતો. પીચનો મિજાજ, બધું જ ખબર પડી જાય છે. આવી સ્થિતિમાં પ્લેઈંગ-11ની પસંદગી કરતાં અગાઉ પંડયા રોહિતને પાકિસ્તાન સામેની જીતની વ્યુહરચના નક્કી કરવામાં પણ મદદ કરી શકે છે.
પંડ્યાએ અમદાવાદમાં આઇપીએલનો ખિતાબ જીત્યો છે
પંડ્યાની કેપ્ટનશીપ પણ આ વર્ષની આઈપીએલમાં હિટ રહી હતી. તેમની આગેવાનીમાં ગુજરાત ટાઇટન્સની ટીમ સતત બીજા વર્ષે ફાઇનલમાં પહોંચી હતી. એ વાત અલગ હતી કે ટીમ ટાઇટલ જીતવાથી ચૂકી ગઈ હતી અને ફાઇનલમાં ચેન્નઈ સુપર કિંગ્સે તેને હરાવી હતી, પરંતુ પંડ્યાની કેપ્ટન તરીકેની રણનીતિ આખી સિઝન કારગત નીવડી હતી. હાર્દિકની ગુજરાત ટાઇટન્સે પોતાના હોમગ્રાઉન્ડ પર 9માંથી 5 મેચ જીતી હતી. આઈપીએલ 2023 ની ફાઇનલ પહેલા હાર્દિકે અમદાવાદમાં સતત ત્રણ મેચ જીતી હતી. એટલે કે હાર્દિકમાં અહીં જીતવાની આવડત છે. આથી વર્લ્ડ કપમાં પાકિસ્તાન સામે ટીમ ઈન્ડિયાની જીત નિશ્ચિત છે.
શક્તિની પૂજા કરતી વખતે કળશ શા માટે રાખવામાં આવે છે? જાણો તેની સ્થાપનાની પદ્ધતિ અને નિયમો
અભિનેત્રીના પરિવારના અધધ 300 સભ્યો ઈઝરાયેલમાં ફસાયા, બહેન-જીજાની હત્યા બાદ સૌથી મોટો ખુલાસો
પંડ્યાનો પાકિસ્તાન સામે સારો રેકોર્ડ
પંડ્યાનો પાકિસ્તાન સામે વન-ડે રેકોર્ડ સારો છે. તેણે 6 મેચમાં 70ની એવરેજથી 209 રન બનાવ્યા છે. તેણે બે અડધી સદી ફટકારી છે અને 6 વિકેટ પણ લીધી છે.