Business News : ગૌતમ અદાણી (gautam adani) ગ્રુપની ફ્લેગશિપ કંપની અદાણી એન્ટરપ્રાઈઝને (Adani Enterprises) મોટું રોકાણ મળ્યું છે. હિન્ડેનબર્ગ રિસર્ચના રિપોર્ટ (Hindenburg Research Report) બાદથી અનેક સમસ્યાઓનો સામનો કરી રહેલા અદાણી ગ્રુપ (adani group) માટે આ રાહતના સમાચાર છે. ઈન્ટરનેશનલ હોલ્ડિંગ કંપની (આઈએચસી)એ અદાણી એન્ટરપ્રાઈઝમાં પોતાની ભાગીદારી વધારીને 5 ટકાથી વધુ કરી દીધી છે.
અદાણી એન્ટરપ્રાઇઝે એક નિવેદનમાં જણાવ્યું હતું કે આઇએચસીનું રોકાણ અદાણી ગ્રૂપમાં તેનો વિશ્વાસ દર્શાવે છે. અદાણી એન્ટરપ્રાઇઝ એરપોર્ટ, ડેટા સેન્ટર્સ, ગ્રીન હાઇડ્રોજન અને અન્ય ઘણા ક્ષેત્રોમાં મજબૂત હાજરી ધરાવે છે. વિશ્વની સૌથી મોટી કંપનીઓ આ અનોખા ઇન્ક્યુબેશન મોડલ પર વિશ્વાસ વ્યક્ત કરી રહી છે, જે વિશ્વમાં મોખરે છે. આ દેશની પ્રગતિમાં અદાણી એન્ટરપ્રાઇઝના અનન્ય યોગદાનને રેખાંકિત કરે છે.
અદાણી એન્ટરપ્રાઇઝમાં રોકાણ વધાર્યું
જૂનના અંતે આઇએચસી પાસે અદાણી એન્ટરપ્રાઇઝમાં 3.53 ટકા હિસ્સો હતો. સપ્ટેમ્બરના અંત સુધીમાં આ શેર વધીને 4.98 ટકા થઈ ગયો છે. આઈએચસીએ પોતાની સબ્સિડિયરી ગ્રીન એન્ટરપ્રાઈઝ ઈન્વેસ્ટમેન્ટ હોલ્ડિંગ દ્વારા અદાણી ગ્રુપમાં આ રોકાણ કર્યું છે. વર્ષ 2022માં આઈએચસીએ અદાણી ગ્રુપની ત્રણ કંપનીઓમાં 2 અબજ ડોલરથી વધુનું રોકાણ કર્યું હતું.
આઈએચસીએ ઓપન માર્કેટ દ્વારા અદાણી ગ્રુપના શેર પણ ખરીદ્યા છે. અન્ય એક યુનિટ ગ્રીન વિટાલિટીએ મંગળવારે અદાણી એન્ટરપ્રાઇઝના 6,43,134 શેર ખરીદ્યા હતા. આ કંપનીમાં ૦.૧ ટકા હિસ્સો બરાબર છે. આ સાથે અદાણી એન્ટરપ્રાઇઝમાં આઇએચસીનો કુલ હિસ્સો વધીને 5.04 ટકા થયો છે.
VIDEO: 7 કરોડ ગુજરાતીઓમાંથી એક જ એવો છે જે હેલમેટ ન પહેરે છતાં પોલીસ મેમો નથી ફાડી શકતી, જાણો કારણ
અદાણી ગ્રુપને મળશે મોટી મદદ
અદાણી ગ્રુપમાં કુલ રોકાણ અંગે કોઈ ચોક્કસ આંકડો આપવામાં આવ્યો નથી. અદાણી ગ્રુપ લાંબા સમયથી મૂડીની વ્યવસ્થા કરવામાં રોકાયેલું છે, તેથી આ રોકાણનું આગમન તેના માટે મોટી રાહત છે. અદાણી ગ્રુપના પ્રવક્તાએ જણાવ્યું હતું કે આ તેની મૂડી ખર્ચ યોજનાઓને પૂર્ણ કરવામાં ઉપયોગી થશે.