ઇન્કમટેક્સ ડિપાર્ટમેન્ટે અમદાવાદમાં બૂમ પડાવી દીધી છે. કારણ કે અમદાવાદમાં લાંબા સમય બાદ ઇન્કમટેક્સનું સુપર ઓપરેશન જોવા મળ્યું છે,. અમદાવાદના જાણીતા બિલ્ડર સ્વાતિ બિલ્ડકોન પર આફત આવી પડી છે. સ્વાતિ સાથે કનેક્શન ધરાવતા એક મોટા કેમિકલ ગ્રુપ ઉપર પણ દરોડા પાડવાના સમાચાર સામે આવી રહ્યા છે
સ્વાતિના અશોક અગ્રવાલ અને સાકેત અગ્રવાલ સહિતના ભાગીદારોને ત્યાં તપાસની કાર્યવાહી હાથ ધરાઈ છે. આંબલી રોડ ઉપર આવેલી મુખ્ય ઓફિસ ઉપર પણ ઇન્કમટેક્સ ત્રાટક્યુ અને આ સાથે જ સમાચાર છે કે અમદાવાદમાં 35 થી 40 સ્થળો દરોડા અને સર્વેનું ઓપરેશન કરવામાં આવ્યું છે.
ઇન્કમટેક્સના ઓપરેશનમાં અમદાવાદ બરોડા અને રાજકોટના 100 થી પણ વધુ અધિકારીઓ જોડાયા હોવાની માહિતી સામે આવી છે. તપાસના અંતે મોટાપાયે બેનામી વ્યવહારો મળી આવે તેવી પણ સુત્રો દ્વારા સંભાવના વ્યક્ત કરવામાં આવી રહી છે.