Israel-Hamas War: હમાસના આતંકીઓએ સંભવતઃ ઈઝરાયેલ પર ઑક્ટોબર 7ના હુમલામાં ઉત્તર કોરિયાના શસ્ત્રોનો ઉપયોગ કર્યો હતો. ઈઝરાયેલ દ્વારા એકત્ર કરાયેલા આતંકવાદીઓના વીડિયો અને જપ્ત કરાયેલા હથિયારો દ્વારા આ વાતનો સંકેત મળે છે. જો કે ઉત્તર કોરિયાએ આતંકવાદી સંગઠનને હથિયારો વેચવાના આરોપોને નકારી કાઢ્યા છે.
ઉત્તર કોરિયાના શસ્ત્રો પરના બે નિષ્ણાતોએ આ વીડિયોનું વિશ્લેષણ કર્યું હતું. ધ એસોસિએટેડ પ્રેસ (એપી) દ્વારા શસ્ત્રોના વિડિયોનું વિશ્લેષણ અને દક્ષિણ કોરિયાની સૈન્યની માહિતી સૂચવે છે કે હમાસે F-7 રોકેટ-સંચાલિત ગ્રેનેડનો ઉપયોગ કર્યો હતો. આ હથિયારનો ઉપયોગ બખ્તરબંધ વાહનો સામે થાય છે. પુરાવા ગેરકાયદે શસ્ત્રોના વેપાર પર પ્રકાશ પાડે છે જેનો પ્રતિબંધોથી અસરગ્રસ્ત ઉત્તર કોરિયા તેના શસ્ત્રોના કાર્યક્રમોને નાણાં આપવાના માર્ગ તરીકે ઉપયોગ કરે છે.
કન્સલ્ટિંગ કંપની ‘આર્મમેન્ટ રિસર્ચ સર્વિસિસ’ના ડિરેક્ટર અને હથિયાર નિષ્ણાત એન. આર. જાનઝેન-જોન્સે કહ્યું કે એફ-7ની હાજરી સીરિયા, ઇરાક, લેબેનોન અને ગાઝા પટ્ટીમાં જોવા મળી છે. જાનઝેન-જોન્સે એપીને જણાવ્યું હતું કે ઉત્તર કોરિયાએ લાંબા સમયથી પેલેસ્ટિનિયન આતંકવાદી સંગઠનોને સમર્થન આપ્યું છે, અને પુરવઠાના પ્રતિબંધો વચ્ચે ભૂતકાળમાં ઉત્તર કોરિયાના શસ્ત્રોની હાજરી જોવા મળી છે,” સ્મોલ આર્મ્સ સર્વેના વરિષ્ઠ સંશોધક મેટ શ્રોડરએ જણાવ્યું હતું કે હમાસે તેની તાલીમના ફોટા જાહેર કર્યા છે જેમાં તેના લડવૈયાઓ રોકેટ-સંચાલિત ગ્રેનેડ અને F-7 જેવા અન્ય હથિયારોનું સંચાલન કરતા જોવા મળે છે.
શ્રોડેરે કહ્યું, “હમાસ પાસે ઉત્તર કોરિયાના શસ્ત્રો છે તે આશ્ચર્યજનક નથી. દક્ષિણ કોરિયાના જોઈન્ટ ચીફ ઓફ સ્ટાફે મંગળવારે પત્રકારોને જણાવ્યું હતું કે ઉત્તર કોરિયાના એક હથિયાર, ખાસ કરીને એફ-7ની ઓળખ થઈ ગઈ છે અને માનવામાં આવે છે કે હુમલામાં હમાસના હથિયારનો ઉપયોગ કરવામાં આવ્યો હતો. જો કે, ઇઝરાયેલી સેનાએ રોકેટ-સંચાલિત ગ્રેનેડના નિર્માતા અને તેના સ્ત્રોત વિશેના પ્રશ્નોના જવાબ આપવાનો ઇનકાર કર્યો હતો. ઇઝરાયેલની સેનાએ કહ્યું કે હમાસ સાથે ચાલી રહેલા સંઘર્ષને કારણે તે કોઈ પ્રતિક્રિયા આપી શકી નથી.
છોકરીઓએ પોતાની જાતીય ઈચ્છાઓ પર કાબૂ રાખવો જોઈએ, બે મિનિટના આનંદ માટે…’, હાઈકોર્ટે આવું કેમ કહ્યું?
સંયુક્ત રાષ્ટ્રમાં ઉત્તર કોરિયાના મિશનએ ટિપ્પણી માટેની વિનંતીનો તરત જ જવાબ આપ્યો ન હતો. જો કે, ઉત્તર કોરિયાએ ગયા અઠવાડિયે તેની સરકારી માલિકીની KCNA ન્યૂઝ એજન્સીને ટાંકીને હમાસે તેના હથિયારોનો ઉપયોગ કર્યો હોવાના દાવાને ફગાવી દીધો હતો અને તેને યુએસ પ્રોપેગેન્ડા ગણાવ્યો હતો.