Lok Sabha Election 2024 Survey: આગામી લોકસભા ચૂંટણીને હવે એક વર્ષ કરતા પણ ઓછો સમય બાકી છે. આવી સ્થિતિમાં દેશનો રાજકીય પારો વધી રહ્યો છે. એનડીએ પીએમ મોદીના નેતૃત્વમાં પરત ફરવા માટે નવા સમીકરણો બનાવવાનો પ્રયાસ કરી રહી છે, ત્યારે કોંગ્રેસ અને અન્ય ભાજપ વિરોધી પક્ષો એક સમાન મોરચો બનાવવામાં લાગી ગયા છે. દરમિયાન ટાઇમ્સ નાઉ નવભારત અને ઇટીજીએ લોકસભા ચૂંટણીને લઇને એક સર્વે કર્યો છે, જેમાં ચોંકાવનારા પરિણામો સામે આવ્યા છે.
ટાઈમ્સ નાઉ નવભારત-ઇટીજીના સર્વેમાં લોકોને પૂછવામાં આવ્યું હતું કે જો આજે ચૂંટણી થાય તો કયા પક્ષની સરકાર બનશે. સર્વેના આંકડા દર્શાવે છે કે ભાજપના નેતૃત્વવાળા ગઠબંધનને બેઠકો ગુમાવવી પડશે પરંતુ તે વાપસી કરવામાં સફળ રહેશે. સર્વે મુજબ એનડીએ ગઠબંધનને 285-325 સીટો મળવાની આશા છે.
સર્વે મુજબ કોંગ્રેસની આગેવાનીમાં ગઠબંધન 150 સીટો પર સમેટાઈ શકે છે. આ સર્વે એવા સમયે થયો છે જ્યારે હાલમાં જ નીતિશ કુમારના આહવાન પર પટનામાં ભાજપ વિરોધી 15 પાર્ટીઓની બેઠક મળી હતી. 2024ની રણનીતિ માટે બોલાવવામાં આવેલી બેઠકમાં કોંગ્રેસે પણ હાજરી આપી હતી. વિરોધ પક્ષોની આગામી બેઠક 14 જુલાઈએ કોંગ્રેસ શાસિત રાજ્ય હિમાચલ પ્રદેશમાં યોજાવાની છે.
રાજસ્થાન અને મધ્ય પ્રદેશમાં કોની કેટલી બેઠકો છે?
સર્વે મુજબ રાજસ્થાનની 25 લોકસભા સીટોમાંથી ભાજપને 20-22 સીટો મળી શકે છે. શાસક કોંગ્રેસને રાજ્યમાં માત્ર 3 બેઠકો મળવાનું અનુમાન છે. આ સાથે જ મધ્યપ્રદેશમાં ભાજપને 22-24 સીટો મળવાનું અનુમાન છે. આ વર્ષના અંત સુધીમાં આ બંને રાજ્યોમાં વિધાનસભાની ચૂંટણીઓ યોજાવાની છે.
પશ્ચિમ બંગાળમાં નંબર વન બનશે ટીએમસી
સર્વે મુજબ પશ્ચિમ બંગાળમાં મમતા બેનર્જીની પાર્ટીને 20-22 સીટો મળી શકે છે. ભાજપ ગત વખતની જેમ ફરી દેખાવ કરે તેવી શક્યતા છે અને તેને 18-20 બેઠકો મળવાનું અનુમાન છે.
લગાતાર સોનાના ભાવ તળિયે બેસ્યા, આજે ફરીથી મોટો કડાકો, હવે એક તોલાના ખાલી આટલા હજાર જ આપવાના
જુલાઈના પહેલા અઠવાડિયામાં જ 2000 રૂપિયાની નોટ પર આવ્યું મોટું અપડેટ, કોર્ટે ભર્યું આ મહત્વનું પગલું
મોદી સરકારે લોકોને આપી મોટી રાહત! સ્માર્ટફોન-ટીવીના ભાવમાં જોરદાર ઘટાડો, જાણો હવે નવી કિંમત્ત કેટલી?
કોંગ્રેસને કેટલી બેઠકો મળે છે?
સર્વેના આંકડા મુજબ જો આજે લોકસભાની ચૂંટણી યોજાય તો કોંગ્રેસ પાર્ટીને 111-149 બેઠકો મળી શકે છે. જગન મોહન રેડ્ડીની વાયએસઆરસીપી 24-25 લોકસભા બેઠકો સાથે દેશની ત્રીજી સૌથી મોટી પાર્ટી બની શકે છે.