Weather Forecast Today : હવામાન વિભાગના (Meteorological Department) જણાવ્યા મુજબ આગામી ચાર દિવસમાં દિલ્હીમાં હળવાથી મધ્યમ વરસાદ પડી શકે છે. આકાશ વાદળછાયું રહેશે. વરસાદના કારણે તાપમાનમાં ઘટાડો થઇ શકે છે. મધ્ય પ્રદેશ, રાજસ્થાન અને જમ્મુના (Rajasthan and Jammu) ઘણા જિલ્લાઓમાં આજે ઝડપી પવન સાથે હળવાથી મધ્યમ વરસાદની સંભાવના છે.
છેલ્લા એક સપ્તાહથી દેશના અનેક રાજ્યોમાં વરસાદી માહોલ જામ્યો છે. રાજધાની દિલ્હીમાં પણ હવામાનની પેટર્ન બદલાઈ ગઈ છે. ક્યારેક ભારે વરસાદને કારણે વાતાવરણ ખુશનુમા બની જાય છે તો ક્યારેક ભેજવાળી ગરમીના કારણે લોકોની હાલત કફોડી બની જાય છે. દિલ્હીમાં આજે સવારે ફરી ભારે પવન સાથે વરસાદ શરૂ થયો હતો. વરસાદના કારણે તાપમાનમાં ઘટાડો થયો હતો. આ સાથે જ હવામાન વિભાગે આગામી 4 દિવસમાં બિહાર, ઉત્તર પ્રદેશ, રાજસ્થાન સહિત 8 રાજ્યોમાં વરસાદની આગાહી કરી છે.
હવામાન વિભાગના જણાવ્યા મુજબ આગામી ચાર દિવસમાં દિલ્હીમાં હળવાથી મધ્યમ વરસાદ પડી શકે છે. આકાશ વાદળછાયું રહેશે. શુક્રવારે પણ વરસાદની આગાહી છે. આજે દેશની રાજધાની દિલ્હીમાં લઘુત્તમ તાપમાન 27 ડિગ્રી સેલ્સિયસ અને મહત્તમ તાપમાન 33 ડિગ્રી સેલ્સિયસ રહેવાની સંભાવના છે.
દક્ષિણ પૂર્વ યુપીમાં વરસાદની ઋતુ
દક્ષિણ પૂર્વ યુપી અને દક્ષિણ પશ્ચિમ યુપીમાં આજે અને આવતીકાલે વરસાદની મોસમ ચાલુ રહેશે. ઉત્તર પ્રદેશની રાજધાની લખનઉમાં આજે લઘુત્તમ તાપમાન 27 ડિગ્રી સેલ્સિયસ અને મહત્તમ તાપમાન 33 ડિગ્રી સેલ્સિયસ રહેવાની સંભાવના છે. જો કે શનિવાર અને રવિવારે ફરી હવામાનમાં પલટો આવવાની શક્યતા છે. આકાશમાં વાદળછાયું વાતાવરણ રહેશે અને આગામી બે દિવસ સુધી વરસાદી માહોલ ચાલુ રહેશે. આજે વારાણસીમાં વરસાદની સંભાવના છે. આગામી ચાર દિવસ ગોરખપુરમાં વરસાદની આગાહી છે.
ઓડિશામાં 15 અને 18 સપ્ટેમ્બરે વરસાદની સંભાવના
હવામાન વિભાગના જણાવ્યા અનુસાર, ઓડિશામાં 15 અને 18 સપ્ટેમ્બરે હળવા / મધ્યમ વરસાદની સંભાવના છે. આજે ઝારખંડ, પશ્ચિમ બંગાળના કેટલાક જિલ્લાઓમાં ભારે પવન સાથે વરસાદ પડી શકે છે. આજે અને આવતી કાલે છત્તીસગઢના અનેક વિસ્તારોમાં વીજળી પડવાની ઘટનાઓ બની શકે છે અને અનેક વિસ્તારોમાં ભારે વરસાદ પડવાની શક્યતા છે.
ગુજરાતમાં 900 થી વધુ પ્રાથમિક શાળાઓમાં માત્ર એક શિક્ષક, રાજ્ય વિધાનસભામાં આ માહિતી આપવામાં આવી
Weather Warfare શું છે? મોરોક્કોમાં ભૂકંપના કારણે હજારો લોકોના મોત, શું આ કાવતરું હતું, અકસ્માત પહેલા વિચિત્ર પ્રકાશે ઉભા કર્યા પ્રશ્નો
મહિલા પત્રકાર ટીવી પર લાઈવ હતી, પાછળથી એક યુવક આવ્યો અને તેને અયોગ્ય રીતે સ્પર્શ કરવા લાગ્યો, વીડિયો થયો વાયરલ
મધ્ય પ્રદેશ, રાજસ્થાન અને જમ્મુમાં વરસાદનું એલર્ટ
મધ્ય પ્રદેશ, રાજસ્થાન અને જમ્મુના ઘણા જિલ્લાઓમાં ઝડપી પવન સાથે હળવાથી મધ્યમ વરસાદની સંભાવના છે. 15-18 સપ્ટેમ્બર દરમિયાન ગોવા, મધ્ય મહારાષ્ટ્ર, ગુજરાતના ઘણા જિલ્લાઓમાં આકાશ વાદળછાયું રહેશે. ભારે પવન સાથે હળવા અથવા મધ્યમ વરસાદની સંભાવના છે. છેલ્લા અઠવાડિયામાં બિહારના ઘણા જિલ્લાઓમાં ભારે વરસાદ પડ્યો છે. બિહારની રાજધાની પટનામાં આગામી ત્રણ દિવસ સુધી વરસાદ ચાલુ રહેશે. ભોજપુર, બક્સર અને ગયામાં આગામી બે દિવસ આકાશ વાદળછાયું રહેશે. અહીં હળવા કે મધ્યમ વરસાદની શક્યતા છે.