હરમનપ્રીત કૌર (Harmanpreet Kaur) ના નેતૃત્વમાં ભારતીય મહિલા ટીમ આજથી T20 વર્લ્ડ કપમાં પોતાના અભિયાનની શરૂઆત કરવા જઈ રહી છે. દક્ષિણ આફ્રિકા (Womens T20 World Cup 2023) માં રમાઈ રહેલી ટુર્નામેન્ટમાં ટીમ ઈન્ડિયાની પ્રથમ મેચ પાકિસ્તાન સામે છે. T20માં પાકિસ્તાન સામે ભારતીય મહિલા ટીમનો રેકોર્ડ (INDW vs PAKW) સારો છે, પરંતુ ટીમે 3 બાબતોનું ધ્યાન રાખવું પડશે.
જો કે મેચ પહેલા ભારતને મોટો ઝટકો લાગ્યો છે. વાઇસ કેપ્ટન સ્મૃતિ મંધાના ઈજાના કારણે આ મેચ રમી શકશે નહીં. આવી સ્થિતિમાં અન્ય બેટ્સમેનોએ કારનામાં કરવા પડશે. ભારતીય મહિલા ટીમે T20 ઈન્ટરનેશનલમાં પાકિસ્તાનની ટીમને 10 વખત હરાવ્યું છે.
ભારત અને પાકિસ્તાન વચ્ચે T-20 વર્લ્ડ કપની છેલ્લી મેચ 2018માં રમાઈ હતી, જ્યારે ભારતીય મહિલા ટીમને 7 વિકેટે મોટી જીત મળી હતી. પાકિસ્તાને પ્રથમ બેટિંગ કરતા 7 વિકેટે 133 રન બનાવ્યા હતા. જવાબમાં ભારતે 18 ઓવરમાં 3 વિકેટે ટાર્ગેટ હાંસલ કરી લીધો હતો. આ મેચમાં મિતાલી રાજે ઓપનર તરીકે શાનદાર 56 રન બનાવ્યા હતા. અને સ્મૃતિ મંધાનાએ 26 રન બનાવ્યા હતા. બંને ટીમના ટોપ સ્કોરર હતા, પરંતુ બંને આ મેચમાં નથી રમી રહ્યા. મિતાલીએ આંતરરાષ્ટ્રીય ક્રિકેટમાંથી સંન્યાસ લઈ લીધો છે.
આ વાતનો છે ડર
ભારત અને પાકિસ્તાનની મહિલા ટીમ વચ્ચે છેલ્લી T20 મેચ ઓક્ટોબર 2022માં રમાઈ હતી. મહિલા એશિયા કપની આ મેચમાં પાકિસ્તાનનો 13 રને વિજય થયો હતો. મેચમાં પાકિસ્તાને પ્રથમ બેટિંગ કરતા 6 વિકેટે 137 રન બનાવ્યા હતા. નિદા દારે 37 બોલમાં અણનમ 56 રન બનાવ્યા હતા. જવાબમાં ભારતીય ટીમ 19.4 ઓવરમાં 124 રનમાં સમેટાઈ ગઈ હતી. આ મેચમાં ઓફ સ્પિનર નિદા દારે પણ 2 વિકેટ ઝડપી હતી. તે લેડી બૂમ-બૂમ તરીકે પ્રખ્યાત છે. આવી સ્થિતિમાં હવે તે વર્લ્ડ કપમાં ભારત સામે આ પ્રદર્શનનું પુનરાવર્તન કરવા માંગશે.
ફરીથી ઠંડી વિશે અંબાલાલ પટેલની આગાહી, જતા જતા હજુ ઠંડીનો એક રાઉન્ડ આવશે, ફરીથી ઠુઠવાવા તૈયાર થઈ જજો
બોલો ભાઈ હરી હરી… મોહ માયાના ત્યાગની વાત કરતી સુંદર જયા કિશોરી એક કથાના આટલા લાખ વસુલે છે
‘ઈસ્લામ સૌથી જૂનો ધર્મ છે, દેશ જેટલો PM મોદી અને મોહન ભાગવતનો છે એટલો જ અમારો છે’
ભારત અને પાકિસ્તાનની મહિલા ટીમો વચ્ચે વર્લ્ડ કપમાં કુલ 6 મેચ રમાઈ છે. ભારતે 4 જ્યારે પાકિસ્તાને 2 જીત્યા છે. T20ના ઓવરઓલ રેકોર્ડ પર નજર કરીએ તો બંને વચ્ચે 13 મેચ રમાઈ છે. ભારતે 10 મેચ જીતી છે જ્યારે પાકિસ્તાને 3 મેચ જીતી છે.