અલ્લુ અર્જુનની ફિલ્મ પુષ્પા જબરદસ્ત હિટ રહી હતી. તેની સફળતાનો અંદાજ એ વાત પરથી લગાવી શકાય છે કે બોલિવૂડ બોક્સ ઓફિસ પર પણ લોકોએ આ ફિલ્મને ઘણી પસંદ કરી હતી. લોકો તેની આગળની વાર્તા જાણવા માટે ઉત્સુક છે. પુષ્પા 2 નું શૂટિંગ ચાલી રહ્યું છે અને ચાહકો તેની રિલીઝની આતુરતાથી રાહ જોઈ રહ્યા છે. સમાચાર છે કે રિલીઝ પહેલા જ મેકર્સે ફિલ્મથી 1 હજાર કરોડની કમાણી કરવાની તૈયારી કરી લીધી છે. એવું કહેવામાં આવી રહ્યું છે કે નિર્માતાઓએ 1,000 કરોડ રૂપિયાની માંગણી કરી છે.
રિલીઝ પહેલા જ પુષ્પા 2 કરી લેશે જોરદાર કમાણી
અલ્લુ અર્જુનની પુષ્પાએ થિયેટ્રિકલ રાઇટ્સમાંથી રૂ. 900 કરોડની કમાણી કરી હતી અને હવે નિર્માતાઓ આ આંકડો પાર કરવા માંગે છે કારણ કે તેઓ પુષ્પા 2ની સફળતાથી સંતુષ્ટ છે. તેમના મતે આ ફિલ્મ બોક્સ ઓફિસ પર રાજામૌલીની RRRને માત આપવા જઈ રહી છે. આ જ કારણસર હવે થિયેટર રાઇટ્સ માટે 1 હજાર કરોડની માંગ કરવામાં આવી રહી છે.
અલ્લુ અર્જુન અને રશ્મિકાની જોડી મચાવશે ધૂમ
જો આમ થશે તો ફિલ્મ તેની રિલીઝ પહેલા જ જોરદાર નફો કમાઈ લેશે અને ફિલ્મ રિલીઝ થયા પછી પણ હિટ થશે તેમાં કોઈ શંકા નથી.
હિન્દી દર્શકો પણ અલ્લુ અર્જુન અને રશ્મિકા મંદન્નાની આ ફિલ્મની રાહ જોઈ રહ્યા છે. ડિસેમ્બર 2021માં રિલીઝ થયેલી અલ્લુ અર્જુન અને રશ્મિકા મંડન્નાની ફિલ્મ ઘણી હિટ રહી હતી. પુષ્પા અને શ્રીવલ્લીની ફિલ્મ જોરદાર હિટ રહી હતી.
હવે તેમની લવ સ્ટોરી આગળ શું વળાંક લેશે તે જોવું રસપ્રદ રહેશે. આ સિવાય ફહાદ ફૈસીલ ફિલ્મમાં અલ્લુ અર્જુન પાસેથી કેવી રીતે બદલો લેશે, તે આગળની વાર્તામાં બતાવવામાં આવશે. કમાણીની વાત કરીએ તો ફિલ્મે 373 કરોડ રૂપિયાની કમાણી કરી હતી.