અમદાવાદમાં એક ગરબા કાર્યક્રમમાં બે મુસ્લિમ યુવકોને VHP અને બજરંગ દળના કાર્યકરોએ નિર્દયતાથી માર માર્યો હતો. આ વીડિયો સોશિયલ મીડિયા પર જોરદાર વાયરલ થઈ રહ્યો છે. મળતી માહિતી મુજબ વિશ્વ હિન્દુ પરિષદને માહિતી મળી હતી કે અમદાવાદના એસપી રીંગ રોડ પાસેના ગરબામાં બે મુસ્લિમ યુવકો કોઈ ખોટા ઈરાદાથી ઘુસ્યા છે.
માહિતી મળતા જ VHP અને બજરંગ દળના કાર્યકરો ગરબા ગ્રાઉન્ડ પર પહોંચી ગયા હતા. અહીં બંને યુવકોને પૂછપરછ કરવામાં આવી હતી અને કાર્યક્રમમાં આવવાનું કારણ પૂછવામાં આવતા તેઓ સંતોષકારક જવાબ આપી શક્યા ન હતા. જણાવવામાં આવી રહ્યું છે કે આ પછી ગુસ્સે ભરાયેલા ટોળાએ બંને યુવકોને માર માર્યો હતો. વીડિયોમાં માર મારવાને કારણે યુવકનું શર્ટ પણ ફાટી ગયું હતું. કેટલાક લોકો યુવાનોને માર મારી રહ્યા છે.
આ દરમિયાન કેટલાક લોકો દરમિયાનગીરી કરતા પણ જોવા મળે છે. હજુ સુધી આ મામલે પોલીસમાં કોઈ ફરિયાદ નોંધાઈ નથી. વીડિયો વાયરલ થયા બાદ પોલીસ કાર્યક્રમના સંયોજકોની પૂછપરછ કરીને મામલાની તપાસ કરી રહી છે. કોરોનાને કારણે બે વર્ષ બાદ સમગ્ર ગુજરાતમાં નવરાત્રીની સાથે ગરબાનું આયોજન કરવામાં આવી રહ્યું છે. ગરબાનું આયોજન થાય તે પહેલા જ VHP અને બજરંગ દળે ધાર્મિક સ્થળે અન્ય ધર્મના લોકોના પ્રવેશ સામે કડક કાર્યવાહી કરવાની ચીમકી આપી હતી. જે અંતર્ગત હિંદુ સંગઠનોના કાર્યકરો દ્વારા અનેક ગરબા મેદાનોમાં ઓચિંતી એન્ટ્રી કરીને ચેકિંગ ઝુંબેશ ચાલી રહી છે.