દિલ્હી સહિત સમગ્ર ઉત્તર ભારત હાલમાં કડકડતી ઠંડીની ઝપેટમાં છે. લઘુત્તમ તાપમાઅન 5 ડિગ્રીથી નીચે નોંધવામાં આવી રહ્યું છે. તેનાથી વિપરિત ડિસેમ્બર 2022ના મહિનાને લઈને ચોંકાવનારા સમાચાર સામે આવ્યા છે. જાન્યુઆરીની ઠંડીના કારણે લોકોની હાલત કથળી છે. ડિસેમ્બર મહિનો 122 વર્ષમાં પ્રથમ વખત સૌથી ગરમ મહિનો હતો. હવામાન વિભાગે બુધવારે આ સંબંધિત આંકડા રજૂ કર્યા છે.
હવામાન વિભાગે જણાવ્યુ કારણ
હવામાન વિભાગ દ્વારા રજૂ કરવામાં આવેલા આંકડા મુજબ આ વખતે ડિસેમ્બર મહિનામાં મહત્તમ તાપમાન 21.49 ડિગ્રી સેલ્સિયસ નોંધાયું હતું. જે વર્ષ 2008માં નોંધાયેલા 21.46 ડિગ્રી સેલ્સિયસના મહત્તમ તાપમાન કરતાં વધુ હતું. નેશનલ વેધર ફોરકાસ્ટિંગ સેન્ટર IMDમાં વૈજ્ઞાનિક તરીકે કામ કરતા રાજેન્દ્ર જેનમણીએ આ પાછળનું કારણ જણાવ્યું.
મધ્ય ભારતમાં ડિસેમ્બરમા સૌથી વધુ તાપમાન નોંધાયું
જેનમણીએ કહ્યું કે તેની પાછળનું કારણ પૂર્વ અને ઉત્તરપૂર્વ ભારત અને આંશિક રીતે મધ્ય ભારતમાં સામાન્ય તાપમાનથી ઉપર છે. વર્ષ 1901 પછી પ્રથમ વખત આ વખતે મહત્તમ અને લઘુત્તમ તાપમાન વધુ હતું. મધ્ય ભારતમાં પણ ડિસેમ્બર દરમિયાન સૌથી વધુ તાપમાન નોંધાયું હતું.
1-20 ડિસેમ્બર દરમિયાન ઠંડીનું મોજું શરૂ થયું
રાજેન્દ્ર જેનામાણીએ વધુમાં જણાવ્યું કે જો આપણે મહારાષ્ટ્રની વાત કરીએ તો આ રાજ્ય પણ ડિસેમ્બર મહિનામાં ગરમ રહ્યું હતું. તેના કારણે મધ્યપ્રદેશ, તેલંગાણા જેવા અન્ય રાજ્યોમાં 1-20 ડિસેમ્બર દરમિયાન લઘુત્તમ તાપમાનમાં ઘટાડો જોવા મળ્યો હતો પરંતુ તે 7 ડિગ્રીથી નીચે ગયો ન હતો.
2022નો છેલ્લો મહિનો સૌથી ગરમ રહ્યો
તેમણે વધુમાં જણાવ્યું હતું કે આ વખતે ડિસેમ્બરમાં ઠંડી ઘણી મોડી આવી હતી. દિવસ પ્રમાણે વાત કરીએ તો ભારતના ઉત્તર અને મધ્ય પ્રદેશોમાં 15 ડિસેમ્બર સુધી કોઈ શીત લહેર, ધુમ્મસ કે તીવ્ર ઠંડી નહોતી. આ વખતે એવું જોવા મળ્યું કે 18 ડિસેમ્બર પછી દિલ્હી, પંજાબ, હરિયાણા, ચંદીગઢ અને ઉત્તર રાજસ્થાનમાં ઠંડીનું મોજું શરૂ થયું.