મધ્યપ્રદેશ પોલીસે ભારતીય જનતા પાર્ટી (BJP)ના નેતાને ‘કોલ ગર્લ’ દ્વારા કથિત રીતે માર મારવાના સમાચાર શેર કરવા બદલ રાજ્ય કોંગ્રેસના ટ્વિટર એકાઉન્ટ હેન્ડલર સામે કેસ નોંધ્યો છે. આ કેસ ભાજપના નેતાની ફરિયાદ પર નોંધવામાં આવ્યો છે. FIR નોંધાયા બાદ કોંગ્રેસે કહ્યું છે કે ‘તે સત્તાના દુરુપયોગ સામે લડત ચાલુ રાખશે’. રાજ્ય કોંગ્રેસે એક હિન્દી અખબારના સમાચાર શેર કર્યા હતા. સમાચારમાં એવો દાવો કરવામાં આવ્યો હતો કે ‘કોલ ગર્લ છેડછાડ કર્યા પછી પૈસા ન આપવા પર ભાજપના નેતાને સેન્ડલથી માર્યો’. 
કોલગર્લએ BJP નેતાને સેન્ડલથી માર માર્યો
ભોપાલ પોલીસની ક્રાઈમ બ્રાન્ચના એક અધિકારીએ જણાવ્યું કે, ‘અમે બીજેપી નેતા રાજેન્દ્ર ગુપ્તાની ફરિયાદ પર શુક્રવારે રાત્રે ભારતીય દંડ સંહિતાની કલમ 505 (2) હેઠળ અજાણ્યા વ્યક્તિ વિરુદ્ધ કેસ નોંધ્યો છે.’ ભાજપના ભોપાલ જિલ્લા એકમના મીડિયા પ્રભારી ગુપ્તાએ ફરિયાદમાં કહ્યું છે કે આ ટ્વીટ તથ્યોની ચકાસણી કર્યા વિના કરવામાં આવ્યું હતું.
રાજેન્દ્ર ગુપ્તાએ પોતાની ફરિયાદમાં કહ્યું છે કે મધ્યપ્રદેશ કોંગ્રેસના ટ્વિટર હેન્ડલ પરથી પુષ્ટિ કર્યા વિના ભ્રામક પોસ્ટ કરીને ભાજપની છબીને કલંકિત કરવામાં આવી છે. આ કારણે ભાજપના કાર્યકરોમાં ભારે રોષ જોવા મળી રહ્યો છે.
ભાજપની છબીને કલંકિત કરવામાં આવી
આ પોસ્ટને કારણે ભાજપ અને કોંગ્રેસના કાર્યકરો વચ્ચે મતભેદ ઉભો થયો છે. બીજી તરફ મધ્ય પ્રદેશ કોંગ્રેસના અધ્યક્ષ કમલનાથે ટ્વિટ કર્યું કે, ‘ભારતીય જનતા પાર્ટીએ એક પ્રતિષ્ઠિત અખબારના સમાચાર પોસ્ટ કરવા બદલ મધ્ય પ્રદેશ કોંગ્રેસના સોશિયલ મીડિયા વિભાગ વિરુદ્ધ FIR નોંધાવી છે.’
42 દિવસ પછી 3 રાશિઓના જીવનમાં આવશે મોટું તોફાન, 6 મહિના સુધી રાહુ-ગુરુની યુતિ ખલબલી મચાવી દેશે
VIDEO: વંદે ભારત એક્સપ્રેસ પર ફરીવાર ઈંટ અને પથ્થરમારો, બારીના કાચના ભૂક્કા બોલાવી નાખ્યા
તેમણે કહ્યું, ‘સમાજના તમામ વર્ગોમાં વિશ્વાસ ગુમાવનાર ભારતીય જનતા પાર્ટીની સરકાર હવે અભિવ્યક્તિના દરેક માધ્યમને કચડી નાખવા માંગે છે. હું સ્પષ્ટ કરવા માંગુ છું કે કોંગ્રેસ પાર્ટી સત્તાના દુરુપયોગ સામે લડતી રહેશે.