સપ્તાહના બીજા કારોબારી દિવસે મંગળવારે શેરબજાર (Share Market Rise) માં જોરદાર ઉછાળો જોવા મળ્યો હતો. ગૌતમ અદાણીની આગેવાની હેઠળના અદાણી એન્ટરપ્રાઇઝિસ (Adani Enterprises Q3 Results) ના ત્રીજા ક્વાર્ટરના પરિણામોની જાહેરાત બાદ બજારમાં તેજી આવી હતી અને આ વૃદ્ધિ અંત સુધી ચાલુ રહી હતી. કારોબારના અંતે બોમ્બે સ્ટોક એક્સચેન્જનો 30 શેરો વાળા ઈન્ડેક્સ સેન્સેક્સ 600 પોઈન્ટ ઉછળીને 61,032.26 ના સ્તર પર બંધ થયો હતો. બીજી તરફ નેશનલ સ્ટોક એક્સચેન્જનો નિફ્ટી ઈન્ડેક્સ 159 પોઈન્ટના વધારા સાથે 17,929.85ના સ્તરે બંધ રહ્યો હતો.
શરૂઆત લીલા નિશાન પર
આ પહેલા વૈશ્વિક બજારમાં તેજી વચ્ચે સ્થાનિક શેરબજારો પણ જોરદાર ખુલ્યા હતા. સેન્સેક્સે લગભગ 200 પોઈન્ટના વધારા સાથે 60,600ના સ્તરે ટ્રેડિંગની શરૂઆત કરી હતી, જ્યારે નિફ્ટી પણ 4 પોઈન્ટના મામૂલી વધારા સાથે 17,800ના સ્તરે ખુલ્યો હતો. શેરબજારમાં આવેલી આ મજબૂત તેજી પાછળ ગૌતમ અદાણીની કંપની અદાણી એન્ટરપ્રાઈઝના ત્રીજા ક્વાર્ટરના પરિણામો પણ ગણી શકાય.
અદાણી એન્ટરપ્રાઈઝ નફાકારક
વાસ્તવમાં, અમેરિકન રિસર્ચ ફર્મ હિંડનબર્ગના વમળમાં ફસાયેલી ગૌતમ અદાણીની કંપની અદાણી એન્ટરપ્રાઇઝિસ લિમિટેડે મંગળવારે ચાલુ નાણાકીય વર્ષના ત્રીજા ક્વાર્ટરના પરિણામો જાહેર કર્યા છે. આ સમયગાળા દરમિયાન કંપનીનો કોન્સોલિડેટેડ ચોખ્ખો નફો રૂ. 820 કરોડ રહ્યો છે. કંપનીએ ડિસેમ્બર ક્વાર્ટરમાં શાનદાર પ્રદર્શન કર્યું છે. ગયા વર્ષના સમાન ત્રિમાસિક ગાળામાં અદાણી એન્ટરપ્રાઇઝે રૂ. 11.63 કરોડની ખોટ નોંધાવી હતી. પરંતુ આ વર્ષના ડિસેમ્બર ક્વાર્ટરમાં અદાણી એન્ટરપ્રાઇઝે મજબૂત નફો નોંધાવ્યો છે.
અદાણી એન્ટરપ્રાઈઝના શેરમાં વધારો
ત્રિમાસિક પરિણામો બાદ અદાણી એન્ટરપ્રાઇઝના શેરમાં પણ જોરદાર ઉછાળો જોવા મળી રહ્યો છે. જણાવી દઈએ કે હિંડનબર્ગનો રિપોર્ટ આવ્યા બાદ અદાણી એન્ટરપ્રાઈઝના શેર એક જ દિવસમાં 35 ટકાથી વધુ તૂટ્યા હતા. આજે પરિણામ આવ્યા બાદ અદાણી એન્ટરપ્રાઈઝના શેર 4 ટકા સુધી ચઢી ગયા હતા. જોકે, ટ્રેડિંગના અંતે આ લાભો ઓછા થયા હતા અને કંપનીનો શેર 1.88 ટકા અથવા રૂ. 32.35 વધીને રૂ. 1,750.00 પર બંધ થયો હતો.
શેર રોકાણકારોની સંપત્તિમાં વધારો
મંગળવારે શેરબજારમાં આવેલી તેજીને કારણે BSEમાં લિસ્ટેડ કંપનીઓના માર્કેટ કેપમાં જોરદાર ઉછાળો આવ્યો હતો અને તે રૂ. 265.95 લાખ કરોડ સુધી પહોંચી ગયો હતો. સોમવારે અગાઉના ટ્રેડિંગ દિવસે આ આંકડો રૂ. 265.76 લાખ કરોડ નોંધાયો હતો. આ મુજબ મંગળવારે તેમના રોકાણકારોની સંપત્તિમાં લગભગ 19 હજાર કરોડ રૂપિયાનો વધારો થયો છે. બજાર બંધ થવા પર 30માંથી 19 શેરમાં વધારો અને 11માં ઘટાડો જોવા મળ્યો હતો.
ગુજરાતના આ ગામનું તો નામ જ છે વેલેન્ટાઈન ડે, 3 પેઢીથી અહીં 90 ટકા લોકો કરી રહ્યા છે પ્રેમલગ્ન
જો તો ખરી કેવા દિવસો આવ્યા, રાત્રે એક વાગ્યે આ અબજોપતિ સાફ સફાઈ કરતો જોવા મળ્યો, ખૂદ જણાવી મજબૂરી
રિલાયન્સના શેરમાં પણ તેજી
અદાણી એન્ટરપ્રાઇઝિસ ઉપરાંત મુકેશ અંબાણીની આગેવાની હેઠળની રિલાયન્સ ઇન્ડસ્ટ્રીઝના શેરમાં પણ મંગળવારે જબરદસ્ત ઉછાળો જોવા મળ્યો હતો. રિલાયન્સ ઇન્ડસ્ટ્રીઝ લિમિટેડનો શેર 2.44 ટકા અથવા રૂ. 56.65 વધીને રૂ. 2,380.00 પર બંધ થયો હતો. આ સિવાય ITC લિમિટેડનો શેર 3.14 ટકા અથવા રૂ. 11.75 વધીને રૂ. 385.95 પર પહોંચ્યો હતો.