ગૌતમ ગંભીર શા માટે અમિત શાહને મળવા ગયાં?? હવે થયો મોટો ખુલાસો

ભારતીય ક્રિકેટ ટીમના મુખ્ય કોચ ગૌતમ ગંભીરે ભારતીય જનતા પાર્ટી (ભાજપ)ના વરિષ્ઠ નેતા અને ગૃહમંત્રી અમિત શાહ સાથે મુલાકાત કરી હતી. ગંભીરે તેમના ‘X’ (અગાઉનું ટ્વિટર) હેન્ડલ પર અમિત શાહ સાથેનો ફોટો શેર કરીને આ મુલાકાત વિશે માહિતી આપી હતી. આ તસવીર સામે આવતાની સાથે જ વિવિધ અટકળો શરૂ થઈ ગઈ છે, કારણ કે તેઓ અગાઉ ભાજપની ટિકિટ પર સંસદ સભ્ય (MP) રહી ચૂક્યા છે.

ગૌતમ ગંભીર 2019ની લોકસભા ચૂંટણીમાં પૂર્વ દિલ્હીથી ભાજપના ઉમેદવાર હતા. તેમણે જંગી બહુમતીથી આ બેઠક જીતીને સાંસદ તરીકે ચૂંટાઈ આવ્યા હતા. ગંભીરે 6,96,156 મત મેળવ્યા હતા અને કોંગ્રેસના ઉમેદવાર અરવિંદર સિંહ લવલીને 3,91,222 મતોના તફાવતથી હરાવ્યા હતા.

ભાજપના સાંસદ બન્યા બાદ, ગૌતમ ગંભીર માત્ર એક કાર્યકાળ માટે જ રાજકારણમાં સક્રિય રહ્યા હતા. તેમણે 2024ની ચૂંટણી ન લડવાનો નિર્ણય લીધો અને રાજકારણમાંથી નિવૃત્તિની જાહેરાત કરી. તેમણે આ નિર્ણય પાછળ ક્રિકેટ સંબંધિત પોતાની પ્રતિબદ્ધતાઓ અને જવાબદારીઓને મુખ્ય કારણો તરીકે દર્શાવ્યા હતા. હાલમાં, ગંભીર ટીમ ઈન્ડિયાના મુખ્ય કોચ તરીકે સેવા આપી રહ્યા છે અને તેમનો કાર્યકાળ 2027ના વન-ડે (ODI) વર્લ્ડ કપ સુધીનો છે.

વેસ્ટ ઈન્ડિઝ સામેની શ્રેણી માટે ગંભીરની તૈયારીઓ

ગૌતમ ગંભીર હાલમાં વેસ્ટ ઈન્ડિઝ સામેની આગામી શ્રેણીની તૈયારીઓમાં વ્યસ્ત છે. વેસ્ટ ઈન્ડિઝની ટીમ ભારતનો પ્રવાસ કરી રહી છે, જ્યાં બંને ટીમો વચ્ચે વન-ડે અને T20 મેચોની શ્રેણી રમાશે. દરમિયાન, ટીમ ઈન્ડિયા જાપાનમાં ચાલી રહેલી એશિયન ગેમ્સમાં પણ ભાગ લઈ રહી છે; જોકે, ત્યાં ભારતીય ટીમ માત્ર T20 મેચોમાં જ સ્પર્ધા કરી રહી છે. બે ટુર્નામેન્ટ એકસાથે યોજાઈ રહી હોવાને કારણે, નેશનલ ક્રિકેટ એકેડમી (NCA)ના વડા VVS લક્ષ્મણ એશિયન ગેમ્સની ટીમ માટે મુખ્ય કોચની ભૂમિકા નિભાવી રહ્યા છે.