મોડેલ અને અભિનેત્રી સંદીપા વિર્કે (Sandeepa Virk) તાજેતરમાં આપેલા એક પોડકાસ્ટ ઈન્ટરવ્યુમાં પોતાના જીવનના સૌથી કાળા અને દર્દનાક પ્રકરણ અંગે ખુલાસો કર્યો છે. સંદીપા વિર્કના તિહાડ જેલના અનુભવો અંગે વાત કરતી વખતે તે કેમેરા સામે જ પોતાના આંસુ રોકી શકી નહોતી. જેલમાં મહિલા કેદીઓ સાથે થતી તપાસ અને અમાનવીય વ્યવહાર વિશે તેમણે વિગતવાર વાત કરી છે.

ઈન્ટરવ્યુ દરમિયાન સંદીપા વિર્કે જણાવ્યું કે જ્યારે તેમને તિહાડ જેલમાં લઈ જવામાં આવ્યા હતા, ત્યારે સુરક્ષાના નામે તેમની સાથે કેવો વ્યવહાર કરવામાં આવ્યો હતો. સંદીપા વિર્કના જણાવ્યા મુજબ, જેલમાં પ્રવેશતી વખતે અને ત્યારબાદ જુદા જુદા તબક્કે તેમની 27 થી વધુ વખત આખી તપાસ કરવામાં આવી હતી જેમાં તેમને કપડાં ઉતારવાની ફરજ પાડવામાં આવી હતી.

સંદીપા વિર્કના જણાવ્યા મુજબ, જેલમાં પ્રવેશતી વખતે અને ત્યારબાદ જુદા જુદા તબક્કે તેમની 27 થી વધુ વખત આખી તપાસ કરવામાં આવી હતી જેમાં તેમને કપડાં ઉતારવાની ફરજ પાડવામાં આવી હતી.

તેમણે ગંભીર આક્ષેપ કરતા કહ્યું કે, કોઈપણ વસ્તુ કે ડ્રગ્સ છુપાવેલું નથી તે ચકાસવાના નામે મહિલા સુરક્ષાકર્મીઓ દ્વારા પ્રાઈવેટ પાર્ટ્સ સુધીની અત્યંત અપમાનજનક તપાસ કરવામાં આવતી હતી. આ પ્રક્રિયા તેમના માટે માનસિક રીતે એટલી આઘાતજનક હતી કે તેઓ આજે પણ તે દિવસો યાદ કરીને કાંપી ઉઠે છે.

સંદીપા વિર્ક એક સમયે મોડેલિંગ અને બોલિવૂડમાં પોતાનું કરિયર બનાવી રહી હતી. પરંતુ કેટલાક વર્ષો પહેલા એક નાણાકીય વિવાદ અને છેતરપિંડીના કેસમાં તેમનું નામ ઉછળ્યું હતું. કાયદાકીય પ્રક્રિયાના ભાગરૂપે તેમને અટકાયતમાં લેવામાં આવ્યા હતા અને તિહાડ જેલમાં મોકલવામાં આવ્યા હતા. જોકે, તેમણે હંમેશાં પોતાને નિર્દોષ ગણાવી છે અને દાવો કર્યો છે કે તેમને ષડયંત્રનો ભોગ બનાવવામાં આવ્યા હતા. સંદીપા વિર્કના આ ચોંકાવનારા ઈન્ટરવ્યુ બાદ સોશિયલ મીડિયા પર જેલમાં મહિલા કેદીઓ સાથે થતા માનવાધિકારના ભંગ અંગે ફરી એકવાર ચર્ચા જાગી છે.