મલ્ટી ટેલેન્ટેડ યાશિકા પાટીદાર પરિવારમાં બની પહેલી ડોક્ટર, કન્ટેન ક્રિએટરમાં પણ ભવિષ્ય બનાવવાનો પ્લાન

ભોપાલ મધ્યપ્રદેશની યાશિકા પાટીદારે હાલમાં જ People’s Dental Academy Bhopal ખાતેથી પોતાનું બેચરલ ઓફ ડેન્ટલ સર્જરી પુરી કર્યું અને હવે તે ડોક્ટર યાશિકા પાટીદાર બની ગઈ છે. 25 વર્ષની યાશિકા પરિવારમાં પહેલી ડોક્ટર છે અને સપનું સાકાર કરવા માટે અથાક પ્રયત્નો કર્યા છે. હવે યાશિકાનો માસ્ટરની પરીક્ષા આપવાનો પ્લાન છે. જો એમાં સફળતા નહીં મળે તો નોકરી કરશે.

જો કે યાશિકાને સોશિયલ મીડિયામાં પણ સારો રસ છે એટલે તે ડાન્સ ફીલ્ડમાં આગળ વધવાનું વિચારે છે અને કન્ટેન ક્રિએટર પણ બનવાનો પ્લાન ધરાવે છે. કારણ કે હાલમાં સોશિયલ મીડિયા પણ તમારા આર્થિક ઉપાર્જન માટે ઘણું મોટું સાધન બની શકે છે. મોટો ફાયદો એ છે કે તમે તમારા કામની સાથે સાથે પણ સોશિયલ મીડિયા પર રીલ કન્ટેન બનાવીને કમાઈ શકો છો.

યાશિકાનું કહેવું છે કે મારા એક મોટા પિતરાઈ ભાઈ જે બાળપણથી જ મારી ખૂબ નજીક છે અને તે મારા આદર્શ છે, તેમણે મને ઘણું બધું કામ કરવા માટે પ્રોત્સાહિત કરી અને સંઘર્ષનો સામનો કેવી રીતે કરવો તે પણ શીખવ્યું. આજે હું જે પણ કંઈ છું તેનો સંપૂર્ણ શ્રેય તેમને જાય છે. આ સાથે જ મારા માતા પિતાનો ફુલ સપોર્ટ મળ્યો છે અને હજુ પણ આગળ મને બધી જ પ્રકારની છૂટ છે કે હું મારા નિર્ણય જાતે લઈ શકું.

યાશિકાના ટેલેન્ટની વાત કરીએ તો તેઓ એકસાથે 10 વસ્તુ પણ કરી શકે છે. તેમણે મલ્ટીનેશનલ કંપનીમાં પણ કામ કર્યું છે. આ સાથે જ ભણતરની સાથે અનેક કામો પણ કર્યા છે.

સૌથી ખાસ વાત એ છે કે યાશિકા પોતાના પરિવારમાં પહેલી ડોક્ટર છે. તેમના પરિવારમાં કોઈને ડોક્ટરી લાઈન સાથે સંબંધ નથી. શરૂઆત કરી ત્યારે ઘણા લોકોને વિશ્વાસ નહોતો કે યાશિકા કરી શકશે કે કેમ? પરંતુ અનેક સંઘર્ષો બાદ જ્યારે મારા હાથમાં ડોક્ટરની ડિગ્રી હતી ત્યારે બધા ખુશ હતા, મારા મમ્મી પપ્પા પણ એ વાતને લઈ ખુબ ખુશ છે કે હવે બધા અમને ડોક્ટરના મમ્મી પપ્પા કહેશે.

આ સાથે જ યાશિકાના વાળ પણ ખુબ જ લાંબા અને સિલ્કી છે. વાળની લંબાઈ 4.5 ફૂટ છે. આ બાબતે યાશિકાનું કહેવું છે કે 12 વર્ષની હતી ત્યારે મારે બોયકટ હતા. પછી વાળની લંબાઈ વધવા લાગી અને હજુ પણ ગ્રોથ સારો છે. વાળને સરસ રાખવા માટે સ્ટ્રેસ, ઉંઘ અને જીવનનું રૂટિન સારું હોવું જોઈએ.