સમગ્ર વિશ્વમાં WhatsApp મેસેજિંગ એપનો સૌથી વધુ ઉપયોગ થાય છે. આ એપમાં ઘણા છુપાયેલા ફીચર્સ પણ ઉપલબ્ધ છે. પરંતુ કેટલીક એવી ટ્રિક્સ છે જે દરેક એન્ડ્રોઇડ ફોનમાં ઉપલબ્ધ છે પરંતુ ઘણા લોકો તેના વિશે જાણતા નથી. આવી જ એક ટ્રિક છે જેમાં વોટ્સએપનો મેસેજ વાંચી શકાશે અને મોકલનારને ખબર પણ નહીં પડે કે તમે મેસેજ વાંચ્યો છે.
વોટ્સએપ મેસેજને નોટિફિકેશન પેનલમાંથી વાંચી શકાય છે, પરંતુ જો મેસેજ લાંબો હોય તો તમે આખો મેસેજ વાંચી શકતા નથી. ઘણી વખત એવું પણ બને છે કે તમે નથી ઈચ્છતા કે સામેની વ્યક્તિને ખબર પડે કે તમે આખો મેસેજ વાંચી લીધો છે. જો તમે પણ આ લોકોમાં છો તો તમારે ચિંતા કરવાની જરૂર નથી. અમે તમને આ પોસ્ટમાં જણાવીશું કે તમે આ કેવી રીતે કરી શકો. આ પ્રક્રિયા કરવામાં માત્ર એક મિનિટ લાગશે અને તે એકદમ સરળ પણ છે.
સ્ટેપ 1
એન્ડ્રોઇડ ફોન યુઝર્સ પહેલા સ્માર્ટફોનના હોમપેજ પર લાંબો સમય પ્રેસ કરીને રાખો
સ્ટેપ 2
હવે વિજેટ્સ પર ટેપ કરો અને તમને બધા વિજેટ્સ દેખાશે.
સ્ટેપ 3
પછી જ્યાં સુધી તમે WhatsApp વિજેટ ન જુઓ ત્યાં સુધી નીચે સ્ક્રોલ કરતા રહો.
સ્ટેપ 4
WhatsApp વિજેટ પર ટેપ કરો અને તે તમારા ફોનના હોમપેજ પર દેખાશે. હવે વિજેટ પર લાંબા સમય સુધી પ્રેસ કરો અને તેને જમણી બાજુએ ખેંચીને બીજી સ્ક્રીન પર મૂકો.
સ્ટેપ 5
હવે Done બટન પર ક્લિક કરો. વિજેટ પર લાંબા સમય સુધી પ્રેસ કરો અને તેને ટોચ પર ખસેડો. આ પછી તમને વિજેટને વિસ્તૃત કરવાનો વિકલ્પ મળશે. તે પૂર્ણ સ્ક્રીનમાં વિસ્તૃત થશે અને તમે આખો મેસેજ સરળતાથી વાંચી શકશો.
BEAKING: હોળી પહેલા નવી હોળી, LPG ગેસના બાટલામાં સીધા 50 રૂપિયાનો વધારો, નવો ભાવ રડાવી દેશે!
આમાં, તમે ચેટ્સનો ક્રમ બરાબર જોશો જે એપમાં હશે. ધ્યાનમાં રાખો કે વિજેટમાં WhatsApp મેસેજ વાંચતી વખતે, તેના પર ટાઇપ ન કરો. જો તમે ટાઈપ કરશો તો વોટ્સએપ ચેટ ઓપન થશે અને સામેની વ્યક્તિને ખબર પડશે કે તમે મેસેજ વાંચ્યો છે.