Paytm Offer : દેશમાં નોટબંધી બાદ ડિજિટલ પેમેન્ટના (Digital Payment) વ્યવહારોમાં નોંધપાત્ર વધારો થયો છે, તેથી હવે તમે રોજિંદી જરૂરિયાતો મેળવવા માટે પણ ઘણી પેમેન્ટ એપનો ઉપયોગ કરી રહ્યા છો. આજે આપણે આવી જ એક પેમેન્ટ એપની વાત કરીશું, જો તમે પણ પેટીએમનો ઉપયોગ માત્ર પેમેન્ટ માટે જ કરો છો તો અમને જણાવી દઇએ કે તમે તમારું નુકસાન કરી રહ્યા છો કારણ કે પેટીએમની ઘણી સારી ડીલ્સ છે જે તમે ચૂકી જશો તો પાછળથી તમને પસ્તાવો થઇ શકે છે.
શું તમે જાણો છો કે તમે 1 રૂપિયામાં પેટીએમ પર મોટી ડિલ્સ મેળવી શકો છો? જો તમારો જવાબ ના હોય તો ચાલો તમને જણાવીએ કે પેટીએમ એપમાં આ ડિલ્સ ક્યાં જોવા મળે છે અને કેવી રીતે આ ડીલ્સનો ફાયદો ઉઠાવી શકાય છે.
કેવી રીતે શોધશો 1 રૂપિયાના સોદા
1 રૂપિયાની ડીલ શોધવા માટે તમારે વધારે કરવાની જરૂર નથી, બસ કેટલાક સરળ સ્ટેપ્સને ફોલો કરીને તમે આ ડિલ્સ પેટીએમ એપમાં શોધી શકો છો.
સૌથી પહેલા ફોનમાં પેટીએમ એપ ઓપન કરો. પેટીએમ એપ ખોલ્યા બાદ નીચે સ્ક્રોલ કરો અને તમને ડીલ્સ એન્ડ કેશબેક સેક્શન દેખાશે. ડીલ્સ અને કેશબેક સેક્શનમાં, તમે રૂ 1 માં પ્રોડક્ટ્સ જોશો, આ વિકલ્પ પર ટેપ કરો. આ પછી, આગળના પૃષ્ઠ પર, તમને માત્ર આરએસ 1 ડીલ્સ પર જ નહીં, પરંતુ હોટ ડીલ્સ જેવી ઘણી વધુ મહાન ડીલ્સ પણ જોવા મળશે.
રૂપિયા 1 સેક્શનમાં પ્રોડક્ટ્સની બાજુમાં, તમારે વ્યૂ ઓલ પર ટેપ કરવું પડશે જેથી તમને 1 રૂપિયાની તમામ ડીલ્સ તમારી સામે મળી શકે. વ્યુ ઓલ પર ટેપ કર્યા બાદ આ પેજ પર અલગ-અલગ કંપનીઓની 1 રૂપિયાની ઓફર્સ દેખાવા લાગશે.
સોદો મળ્યા પછી ઓફરને કેવી રીતે રિડીમ કરવી
પસંદગીની ડીલ મળ્યા બાદ તમારે પેટીએમ પોઇન્ટ અથવા ઓનલાઇન પેમેન્ટ દ્વારા 1 રૂપિયાની ડીલ ખરીદવી પડશે. જેવા તમે પોઇન્ટ્સ અથવા ઓનલાઇન પેમેન્ટ દ્વારા ડીલ ખરીદશો કે તરત જ તમને એક યુનિક કૂપન કોડ મળશે. તમે જે પણ કંપની આ ડીલ ખરીદી હોય, હવે તે કંપનીની ઓફિશિયલ સાઇટ પર જાવ. તમે કંપનીની ઓફિશિયલ સાઇટ પર જઇને યુનિક કૂપન કોડને રિડીમ કરી શકશો.