ભારતે વર્લ્ડ ચેસ ચેમ્પિયનશીપમાં ઈતિહાસ રચી દીધો છે. ભારતનો ચેસ ખેલાડી ડી ગુકેશ વર્લ્ડ ચેમ્પિયન બન્યો છે. ગુકેશ ડીએ ચીનના ડિંગ લિરેનને હરાવીને વર્લ્ડ ચેમ્પિયનશિપનું ટાઇટલ જીત્યું હતું. ભારતના 18 વર્ષીય ગ્રાન્ડ માસ્ટર ગુકેશે 14મી અને આખરી ગેમમાં ચીનના ડિંગ લિરેનને હરાવીને વર્લ્ડ ચેમ્પિયન બનવાનું ગૌરવ હાંસલ કર્યું હતુ. ગુકેશ પણ વિશ્વનાથન આનંદ બાદ આ પ્રતિષ્ઠિત ખિતાબ જીતનાર પ્રથમ ભારતીય બની ગયો છે. વર્લ્ડ ચેમ્પિયન બન્યા બાદ ગુકેશ પોતાની ભાવનાઓ પર કાબૂ ન રાખી શક્યો અને તેની આંખોમાંથી ખુશીના આંસુ નીકળવા લાગ્યા. ગુકેશ આ વર્ષની શરુઆતમાં ઉમેદવારોની ટુર્નામેન્ટ જીત્યા બાદ વર્લ્ડ ટાઈટલ માટે પડકારનારો સૌથી યુવા ખેલાડી બન્યો. વર્લ્ડ ચેમ્પિયન બન્યા બાદ ડી ગુકેશે કહ્યું કે, તે છેલ્લા 10 વર્ષથી આ ક્ષણનું સપનું જોઈ રહ્યો હતો અને તે ખુશ છે કે તેનું આ સ્વપ્ન સાકાર થયું છે.
THE EMOTIONS…!!! 🥹❤️
– 18 Year Old Gukesh Dommaraju creating history by becoming the youngest ever champion. 🇮🇳 pic.twitter.com/LVkA8JMKM1
— Mufaddal Vohra (@mufaddal_vohra) December 12, 2024
ચીનના ડિંગ લિરેનનું સપનું તૂટી ગયું
પખવાડિયા સુધી ચાલેલી આ વર્લ્ડ ચેસ ટુર્નામેન્ટ દરમિયાન ગુકેશે કમાલની રમત રમી હતી અને ઘણી વખત પાછળ રહ્યા બાદ શાનદાર પુનરાગમન કર્યું હતુ. અંતે તેણે 14મી શરત જીતીને ઈતિહાસ રચી દીધો હતો. ચીનના લિરેન 2023માં રશિયાના ઈયાન નેપોમ્નિયાચચી સામેના તોફાની મુકાબલામાં વિજય મેળવીને વર્લ્ડ ચેમ્પિયન બન્યો હતો, પણ આ વખતે ગુકેશે તેનું સ્વપ્ન તોડી નાંખ્યું હતુ.
ગુકેશ અગાઉ રશિયન લેજન્ડ ગેરી કાસ્પારોવ 1985માં એનાટોલી કાર્પોવને હરાવીને 22 વર્ષની ઉંમરે ટાઈટલ જીતીને સૌથી યુવા વયે વર્લ્ડ ચેસ ચેમ્પિયન બન્યોનથી. ગુકેશે આ વર્ષની શરૂઆતમાં કેન્ડિડેટ્સ ટૂર્નામેન્ટ જીત્યા બાદ વર્લ્ડ ટાઇટલના સૌથી યુવા ચેલેન્જર તરીકે મેચમાં પ્રવેશ કર્યો હતો. તે મહાન વિશ્વનાથન આનંદ પછી આ ખિતાબ જીતનાર બીજો ભારતીય છે. પાંચ વખતના વર્લ્ડ ચેમ્પિયન આનંદે છેલ્લે 2013માં આ ટાઈટલ જીત્યું હતુ.
🇮🇳 GUKESH D WINS THE 2024 FIDE WORLD CHAMPIONSHIP! 👏 🔥#DingGukesh pic.twitter.com/aFNt2RO3UK
— International Chess Federation (@FIDE_chess) December 12, 2024
સોના-ચાંદીમાં પ્રોફિટ બુકિંગ, MCX પર ભાવ ઘટ્યા; પરંતુ બજારમાં ખરીદી મોંઘી થશે
‘પુષ્પા 2’ના સ્ટાર અલ્લુ અર્જુનની ધરપકડ, જાણો શા માટે હૈદરાબાદ પોલીસે તેને પકડ્યો
ગુકેશે ગયા વર્ષે સનસનાટી મચાવી હતી
ગુકેશની વર્લ્ડ ચેમ્પિયનશિપની મેચ સુધીની સફર ગયા વર્ષે ડિસેમ્બરમાં શરૂ થઈ હતી જ્યારે તેણે ચેન્નાઈ ગ્રાન્ડમાસ્ટર્સ ટૂર્નામેન્ટ જીતીને કેન્ડિડેટ્સ ટૂર્નામેન્ટ માટે ક્વોલિફાય કર્યું હતું. ફેબિયાનો કારુઆના અને હિકારુ નાકામુરાની અમેરિકન જોડી ઉમેદવારોની ટુર્નામેન્ટમાં પ્રબળ દાવેદાર મનાતી હતી, પણ ગુકેશે આર.પ્રાગ્નાન્ધા સહિત સૌને હરાવીને ઉમેદવારોની ટુર્નામેન્ટ જીતીને ચેસની દુનિયાને ઝંઝાવાતી બનાવી દીધી હતી.