અભિનેત્રી છેલ્લા 18 વર્ષથી કરે છે હનુમાન ચાલીસાનો પાઠ, શક્તિ અને પરચા વિશે વાત કરી કે….

દેવોલીના ભટ્ટાચારજી ટેલિવિઝન પરની તેમની ભૂમિકાઓ માટે જાણીતી છે. તેઓ સોશિયલ મીડિયા પર પણ ખૂબ સક્રિય છે અને સામાજિક મુદ્દાઓ પર વારંવાર પોતાના વિચારો રજૂ કરે છે. તાજેતરમાં, અભિનેત્રીએ હનુમાન ચાલીસામાં પોતાની શ્રદ્ધા વિશે વાત કરી હતી. તેમની આ ટિપ્પણી સ્મિત મચ્છરના નિવેદન બાદ આવી છે, જેમણે ખુલાસો કર્યો હતો કે ફ્લાઇટ દરમિયાન બનેલી એક તણાવપૂર્ણ ઘટના વખતે તેઓ સતત હનુમાન ચાલીસાનો પાઠ કરી રહ્યા હતા.

ઉલ્લેખનીય છે કે, વડાપ્રધાન નરેન્દ્ર મોદીએ શુક્રવારે ફ્લાયદુબઈ (Flydubai) ના પાયલટ કેપ્ટન સ્મિત મચ્છર સાથે વીડિયો કોલ દ્વારા વાતચીત કરી હતી. સ્મિતે ઈઝરાયેલ જતી ફ્લાઇટને ક્રેશ કરવાના તેમના સહ-પાયલટના કથિત પ્રયાસને નિષ્ફળ બનાવવામાં મદદ કરી હતી. વડાપ્રધાને તેમના સાહસ, સૂઝબૂઝ અને સંયમના વખાણ કર્યા હતા.

HANUMAN CHALISA – dont believe anyone. Try it yourself. You’ll understand what it does. Nobody taught me. Nobody told me when i started it almost 17-18 years back. Did it just like that…And life changed for all the good. But the fact & truth is :- if you think that you can start and will continue doing it just like that… you’re mistaken… No matter how much efforts you put. Baba choose you to recite his chalisa. Still dont believe me. Try it. You’ll get your answer. 😇🙏🏻

— Devoleena Bhattacharjee (@Devoleena_23) October 2, 2026

વાતચીત દરમિયાન, સ્મિતે વડાપ્રધાનને કહ્યું કે જ્યારે પણ તેઓ કોઈ મુશ્કેલીનો સામનો કરે છે, ત્યારે તેઓ હનુમાન ચાલીસાનો પાઠ કરે છે. તેમણે ઉલ્લેખ કર્યો કે ફ્લાયદુબઈની ફ્લાઇટમાં તણાવપૂર્ણ ક્ષણો દરમિયાન પણ તેઓ તેનો પાઠ કરી રહ્યા હતા.

દેવોલીના છેલ્લા ૧૮ વર્ષથી હનુમાન ચાલીસાનો પાઠ કરે છે.

આ અંગેની એક પોસ્ટમાં દેવોલીનાએ લખ્યું, “હનુમાન ચાલીસા — માત્ર બીજાના કહેવા પર વિશ્વાસ ન કરો. જાતે અજમાવી જુઓ. તમને સમજાશે કે તે શું ચમત્કાર કરે છે. મને કોઈએ શીખવ્યું નહોતું; જ્યારે મેં લગભગ ૧૭-૧૮ વર્ષ પહેલાં તેનો પાઠ કરવાનું શરૂ કર્યું, ત્યારે મને કોઈએ કંઈ કહ્યું નહોતું. મેં બસ શરૂઆત કરી… અને જીવન બહેતર બની ગયું.”