Saharanpur Mosque: હિન્દુસ્તાનમાં મુસ્લિમો જેટલા સુરક્ષિત એટલા બીજે ક્યાંય નથી, સાક્ષી મહારાજે ઓવૈસીને આપ્યો વળતો જવાબ
સહારનપુરમાં મસ્જિદ પર બુલડોઝર કાર્યવાહી બાદ રાજકારણ ગરમાયું છે. ભાજપના સાંસદ સાક્ષી મહારાજે AIMIMના વડા અસદુદ્દીન ઓવૈસીના નિવેદન પર પ્રતિક્રિયા આપી છે. તેમણે મસ્જિદ વિરુદ્ધ કરવામાં આવેલી કાર્યવાહીને ટેકો આપ્યો હતો. ભાજપના નેતાએ આરોપ લગાવ્યો કે ઓવૈસી પોતાના રાજકીય એજન્ડાને આગળ વધારવા માટે આવા વિરોધાભાસી નિવેદનો આપતા રહે છે.
ભાજપના સાંસદ સાક્ષી મહારાજે મીડિયા સાથેની વાતચીતમાં કહ્યું “ઓવૈસી શું કહે છે? તે ક્યારેય રાષ્ટ્રવાદ વિશે વાત કરતા નથી. તે ફક્ત પૂર્વગ્રહથી અને તુષ્ટિકરણની રાજનીતિને ધ્યાનમાં રાખીને વાહિયાત નિવેદનો આપે છે.”
ભારતમાં જેટલા મુસ્લિમો સુરક્ષિત છે તેટલા કોઈ પણ દેશમાં સુરક્ષિત નથી – સાક્ષી મહારાજ
દેશમાં હિન્દુઓ વિરુદ્ધ મુસ્લિમો વિશે ઓવૈસીના નિવેદન અંગે સાક્ષી મહારાજે કહ્યું “દેશમાં હિન્દુઓ વિરુદ્ધ મુસ્લિમો? એવું નથી. હિન્દુઓ તો ‘सर्वे भवन्तु सुखिनः, सर्वे सन्तु निरामयाः, सर्वे भद्राणि पश्यन्तु, मा कश्चिद् दुःखभाग्भवेत्’ ભાવના રાખે છે. હિન્દુસ્તાનમાં મુસ્લિમો જેટલા સુરક્ષિત એટલા બીજે ક્યાંય નથી. જેટલું સન્માન અહીં મળે છે તે ક્યાંય નથી મળતું. જો સૂર્ય ઉગે અને ઘુવડ ન જોઈ શકે તો સાક્ષી મહારાજ પાસે તેનો કોઈ ઈલાજ નથી.”
Nagpur, Maharashtra: On AIMIM chief Asaduddin Owaisi’s statement, BJP MP Sakshi Maharaj says, “What does Owaisi say? He never talks about nationalism. Driven by prejudice and keeping appeasement politics in mind, he keeps making such contradictory statements to further his… pic.twitter.com/U1QiuR0Esu
— IANS (@ians_india) September 6, 2026
ઓવૈસીએ મસ્જિદ સામે લેવાયેલી કાર્યવાહી અંગે શું કહ્યું?
AIMIMના વડા અસદુદ્દીન ઓવૈસીએ સહારનપુરમાં મસ્જિદ સામે લેવાયેલી કાર્યવાહી પર સવાલ ઉઠાવતા કહ્યું “આ મસ્જિદ ૧૯૧૧ કે તે પહેલાં બનાવવામાં આવી હતી અને ત્યાં નમાઝ અદા કરવામાં આવે છે. કલેક્ટરનું કાર્યાલય પાછળથી બનાવવામાં આવ્યું હતું. એક મુસ્લિમે મસ્જિદના નિર્માણ માટે પોતાની જમીન આપી હતી. આ મસ્જિદ ૧૯૧૧ થી સપ્ટેમ્બર ૨૦૨૬ સુધી કબજે કરવામાં આવી છે. થોડા મહિના પહેલા કલેક્ટરે એક આદેશ જારી કરીને કહ્યું હતું કે આ મસ્જિદ નથી અને અમે તેને તોડી પાડીશું. યુપીમાં ભાજપ સરકારને કોર્ટ પર વિશ્વાસ નથી. આટલી ઉતાવળ શું હતી?
તેમણે વધુમાં કહ્યું “આ લોકો ઉચ્ચ અદાલતમાં જઈને પોતાનો કેસ રજૂ કરી શક્યા હોત.” સવારે ૫ વાગ્યે ત્યાં જઈને મસ્જિદ તોડી પાડવાથી સાબિત થાય છે કે યોગી સરકાર ઇચ્છતી ન હતી કે આ મામલો ઉચ્ચ અદાલતમાં જાય.” ભાજપ અને યોગી સરકાર ગેરબંધારણીય રીતે કાર્ય કરી રહી છે. ઘણી મસ્જિદો તોડી પાડવામાં આવી છે. શું મુસ્લિમોને બંધારણીય સ્વતંત્રતાનો અધિકાર નથી? તમે અમારા પૂજા સ્થાનોનો નાશ કરી રહ્યા છો. તમે મસ્જિદો તોડી રહ્યા છો કોર્ટ અને કાયદાની અવગણના કરી રહ્યા છો. તમે આખા દેશને શું સંદેશ આપી રહ્યા છો? આ નફરતનું ઉત્તમ ઉદાહરણ છે.
