તો હવે બેંકો દર શનિવારે બંધ રહેશે? PIB એ સત્ય જાહેર કર્યું એ તમારે ખાસ જોવું જોઈએ

શું તમે પણ WhatsApp કે સોશિયલ મીડિયા પર સરકારી ગેઝેટ નોટિફિકેશન વાયરલ થતું જોયું છે, જેમાં દાવો કરવામાં આવ્યો છે કે દેશની તમામ જાહેર ક્ષેત્રની બેંકો – જેમાં સ્ટેટ બેંક ઓફ ઈન્ડિયા (SBI) નો પણ સમાવેશ થાય છે

પ્રેસ ઇન્ફોર્મેશન બ્યુરો (PIB Fact Check) ની ટીમે આ વાયરલ દાવાની તપાસ કરી છે અને તેને સંપૂર્ણપણે ખોટો જાહેર કર્યો છે. ચાલો આપણે સંપૂર્ણ વિગત અને શનિવારની રજાઓ અંગેના હાલના નિયમો સમજીએ.

PIB Fact Check એ શું કહ્યું

સોશિયલ મીડિયા પર એક નકલી સરકારી ગેઝેટ નોટિફિકેશન ઝડપથી ફેલાઈ રહ્યું હતું. તેમાં દાવો કરવામાં આવ્યો હતો કે કેન્દ્રીય નાણાં મંત્રાલયે જાહેર ક્ષેત્રની બેંકો માટે દર શનિવારે રજા જાહેર કરતો નવો આદેશ બહાર પાડ્યો છે. તેના સત્તાવાર સોશિયલ મીડિયા હેન્ડલ પર સ્પષ્ટતા કરતા, PIB એ જણાવ્યું હતું કે નાણાં મંત્રાલય હેઠળના નાણાકીય સેવા વિભાગે આવું કોઈ નોટિફિકેશન કે આદેશ બહાર પાડ્યો નથી.

સોશિયલ મીડિયા પર પર વિશ્વાસ ન કરો

કોઈપણ સરકારી દસ્તાવેજ કે સંદેશની ચકાસણી કર્યા વિના તેને ફોરવર્ડ કરશો નહીં. કોઈપણ વાયરલ સમાચાર પાછળનું સત્ય જાણવા માટે, તમે WhatsApp દ્વારા +91 8799711259 પર અથવા factcheck@pib.gov.in પર ઈમેલ દ્વારા PIB Fact Check નો સંપર્ક કરી શકો છો.

રિઝર્વ બેંક ઓફ ઈન્ડિયા (RBI) ના વર્તમાન નિયમો અનુસાર, દેશની તમામ શિડ્યુલ્ડ અને નોન-શિડ્યુલ્ડ બેંકો દર મહિનાના બીજા (2nd) અને ચોથા (4th) શનિવારે બંધ રહે છે. મહિનાના પહેલા, ત્રીજા અને પાંચમા શનિવારે બેંકો સામાન્ય રીતે કાર્યરત રહે છે, સિવાય કે તે દિવસે કોઈ સ્થાનિક કે રાષ્ટ્રીય રજા હોય. તેથી, બેંકો દર શનિવારે બંધ રહે છે તેવો દાવો RBI ના વર્તમાન નિયમોથી સંપૂર્ણપણે વિપરીત છે.

બેંક હડતાલ અને 5-દિવસીય કાર્ય સપ્તાહની ચર્ચા

વાસ્તવમાં, યુનાઈટેડ ફોરમ ઓફ બેંક યુનિયન્સ (UFBU) – જે બેંક યુનિયનોનું એક સંયુક્ત સંગઠન છે – લાંબા સમયથી બેંકોમાં 5-દિવસીય કાર્ય સપ્તાહ (અઠવાડિયામાં 5 દિવસ કામ) લાગુ કરવાની માંગ કરી રહ્યું છે. આ માંગણીના સમર્થનમાં બેંક યુનિયનોએ ત્રણ દિવસની દેશવ્યાપી હડતાળનું એલાન આપ્યું હતું. જોકે, ઇન્ડિયન બેંક્સ એસોસિએશન (IBA) અને બેંક યુનિયનોના પ્રતિનિધિઓ વચ્ચે તાજેતરમાં થયેલી સકારાત્મક વાતચીતને પગલે આ પ્રસ્તાવિત હડતાળ હાલ પૂરતી મુલતવી રાખવામાં આવી છે.