તું ડાન્સમાં ઝીરો છે… Katrina Kaifને કોણે આવું કહી દીધું હતું? હવે થયો મોટો ખુલાસો

બોલીવુડની પ્રખ્યાત અભિનેત્રી કેટરિના કૈફે અનેક ગીતોમાં પોતાના ડાન્સથી સૌને ઘણીવાર લોકોને ચોંકાવી દીધા છે. “ધૂમ 3” ના “કમલી” થી લઈને “ટાઈગર ઝિંદા હૈ” ના “સ્વેગ સે સ્વાગત” સુધી જ્યારે પણ તમે તેનો ડાન્સ જુઓ છો ત્યારે તમને વિશ્વાસ કરવો મુશ્કેલ થઈ જશે કે કોઈ તેમના વિશે આટલી મોટી વાત કહેશે. પરંતુ હવે કોરિયોગ્રાફર બોસ્કો માર્ટિસે કેટરિનાના કરિયરના તે સમયગાળાનો એક કિસ્સો શેર કર્યો છે.

કેટરિનાને કહેવામાં આવ્યું હતું કે “તું ડાન્સ કરવામાં ઝીરો છે.”

બોસ્કો અને સીઝરે તાજેતરમાં ફરાહ ખાન સાથેના પોડકાસ્ટમાં કોરિયોગ્રાફી અને ઇન્ડસ્ટ્રીમાં તેમની સફર વિશે વાત કરી હતી. વાતચીતમાં કેટરિનાના ડાન્સિંગનો પણ ઉલ્લેખ હતો. બોસ્કોએ જણાવ્યું કે કેટરિનાને તેની શરૂઆતની કારકિર્દીમાં ડાન્સ વિશે ઘણી ટીકાઓ સહન કરવી પડી હતી. બોસ્કોએ કહ્યું “તેની પાસે પણ ઘણી કહાની છે જ્યાં તેણે ખૂબ મહેનત કરી હતી પરંતુ એક કોરિયોગ્રાફરે તેને કહ્યું ‘જો તમે ડાન્સમાં શૂન્ય છો તો તમારે છોડી દેવું જોઈએ.'” જોકે તેમણે કોઈનું નામ સીધું લીધું ન હતું ”

બોસ્કોએ કહ્યું “આમ છતાં તેણે હાર માની નહીં; તેના બદલે તેણીએ તેને પોતાનો દૃઢ નિશ્ચય બનાવ્યો અને પોતાને સાબિત કરવા માટે કટિબદ્ધ હતી.”

“શીલા કી જવાની” કેટરીના માટે ગેમ-ચેન્જર હતી

કેટરિનાની ડાન્સ કારકિર્દી વિશે બોલતા બોસ્કોએ “શીલા કી જવાની” ને તેના માટે એક મુખ્ય વળાંક તરીકે વર્ણવ્યું. ફરાહ ખાને પણ સ્વીકાર્યું કે ત્યાં સુધી કેટરીનાને ડાન્સર તરીકે જોવામાં આવતી નહોતી. ફરાહે કહ્યું “શીલા કી જવાની કેટરીના માટે ગેમ-ચેન્જર હતી પરંતુ તે સમયે અમને ખબર નહોતી કે તે ડાન્સ કરી શકે છે. તેણે “ટચ મી” કર્યું હતું પરંતુ તે ડાન્સર તરીકે જાણીતી નહોતી.”