Himachalમાં સીઝનની પહેલી હિમવર્ષા, ધૌલાધર પર્વતમાળા બરફની ચાદરમાં ઢંકાઈ

હિમાચલ પ્રદેશમાંથી ચોમાસું વિદાય લઈ ચૂક્યું છે, અને ઠંડીનું આગમન થઈ ગયું છે. આ સાથે રાજ્યના કેટલાક ભાગોમાં બરફવર્ષા શરૂ થઈ ગઈ છે. 16 સપ્ટેમ્બરના રોજ મોડી રાત્રે ધૌલાધર પર્વતમાળામાં રાજ્યમાં મોસમની પહેલી હિમવર્ષા શરૂ થઈ. ત્યારથી હિમવર્ષા ચાલુ છે, જેના કારણે ધૌલાધર પર્વતમાળાની તળેટીમાં આવેલા કાંગડા જિલ્લામાં હળવી ઠંડી પડી. જોકે પહેલી હિમવર્ષા રાજ્ય માટે વિનાશક સાબિત થઈ. લાહૌલ-સ્પિતિમાં 300 લોકો ફસાયા હતા જેમાંથી બે મહિલાઓના મોત થયા હતા.

16,000 ફૂટથી ઉપરના બધા પર્વતો પર હિમવર્ષા

બુધવારની મોડી રાતથી થઈ રહેલી હિમવર્ષા ફક્ત ધૌલાધર પર્વતો સુધી મર્યાદિત નથી. રાજ્યમાં 16,000 ફૂટથી ઉપરના બધા પર્વતો પર હિમવર્ષા નોંધાઈ છે. 17 સપ્ટેમ્બર, ગુરુવારે ભરમૌરમાં પણ બરફવર્ષા થઈ. બે મહિલાઓના મોત

હિમાચલ પ્રદેશમાં પણ બરફવર્ષાને કારણે મુશ્કેલીઓનો સામનો કરવો પડ્યો છે. લાહૌલ-સ્પિતિમાં પવિત્ર યાત્રા દરમિયાન 300 લોકો ફસાયા હતા. માહિતી મળતાં જ વહીવટીતંત્રે તાત્કાલિક બચાવ કામગીરી શરૂ કરી હતી. જોકે બચાવ કામગીરી દરમિયાન બે મહિલાઓના મોત થયા હતા.