WhatsApp News: ભારતમાં મોટાભાગના લોકો પાસે બે ફોન નંબર હોય છે આ કારણોથી, ફોન પણ ડ્યુઅલ સિમ સપોર્ટ સાથે આવે છે. જોકે, યુઝર્સને એક જ ફોન પર બે વોટ્સએપ એકાઉન્ટ ચલાવવામાં મુશ્કેલીનો સામનો કરવો પડ્યો હતો. લોકોએ બીજા કેટલાક વિકલ્પોનો આશરો લેવો પડ્યો. તેથી, મેટાએ એપમાં જ એક કરતા વધુ એકાઉન્ટ ચલાવવાનો વિકલ્પ આપ્યો છે. પરંતુ, હજુ પણ ઘણા લોકોને તેની જાણ નથી.
આ માટે યુઝર્સને અલગથી અન્ય કોઈ એપ ઇન્સ્ટોલ કરવાની જરૂર નહીં પડે. તેમજ તમારે WhatsApp Business એપ ઇન્સ્ટોલ કરવાની રહેશે નહીં. વોટ્સએપ યુઝર્સ એક જ એપથી એક જ ફોન પર બે અલગ અલગ એકાઉન્ટ ચલાવી શકે છે. ઉપરાંત, એપની અંદરથી એકાઉન્ટ્સ સ્વિચ પણ કરી શકાય છે. જોકે, આ ફીચર હાલમાં iPhoneમાં ઉપલબ્ધ નથી. જાણીએ તેની પદ્ધતિ.
હવે તમારે તમારા ફોનમાં બીજું WhatsApp એકાઉન્ટ ઉમેરવું પડશે. તમે આ બે એકાઉન્ટ વચ્ચે સરળતાથી સ્વિચ પણ કરી શકશો. આ માટે તમારે પ્રોફાઇલમાં જઈને ડાઉન એરો પર ક્લિક કરવાનું રહેશે.
હવે જ્યારે તમારા ફોનમાં તમારા બે વોટ્સએપ એકાઉન્ટ છે, તો તમે તેમની સૂચનાઓથી થોડી મૂંઝવણમાં પડી શકો છો. આ માટે WhatsApp કહે છે કે તમે દરેક એકાઉન્ટ માટે અલગથી નોટિફિકેશન અને પ્રાઈવસી સેટિંગ સેટ કરી શકો છો.
એટલે કે તમે દરેક એકાઉન્ટ માટે નોટિફિકેશન ટોન બદલી શકો છો. આની મદદથી તમે બંને એકાઉન્ટના મેસેજ વચ્ચે તફાવત કરી શકશો. આ સિવાય તમે બંને એકાઉન્ટની પ્રાઈવસી સેટિંગ્સ પણ બદલી શકો છો.